కమ్మరను జీవునికిని ఇది కారణ మేమియు లేదట
(॥పల్లవి॥)
కమ్మరను జీవునికిని ఇది కారణ మేమియు లేదట
ఇమ్ముల రాజూ నెరఁగని వెట్టెట యెవ్వరికెక్కును నారాయణా
(॥కమ్మ॥)
యిలలో జీవుని విషయభోగమున నెందునుఁ బొరయనివాఁడవట
చలమా యేల పుట్టించితివీ సంసారవారిధిని
కలకాలము నీగర్భగోళమునఁ గాఁపురముండఁగ నిటు చేసి
ఫలమేమి గట్టుకొంటివి భావము దెలుపవే నారాయణా
(॥కమ్మ॥)
నడపెడి యీ జగములన్నియును నటనలు నీవట తొలుతనే
యెడయక యిందే వినోదించెదవు యెడ్డతనంబా నీకేమి
జడియక నీవే సేసిన చేఁతలు సర్వమును నిలుపఁగవలదా
కడుగఁగనేఁటికి నెంగిలిబూరెట కడవేయనేల (?) నారాయణా
(॥కమ్మ॥)
పరగిన యీ కర్మమార్గములు బంధహేతువని చెప్పితివి
యిరవుగను వేదమార్గములు నేలా కాచుక తిరిగెదవు
గరిమల శ్రీవేంకటేశ్వర యిచ్చాకల్పితములు యిన్నియు నీకు
హరినెరిగించితివిఁక నీచిత్తము సర్వేశ్వర వో నారాయణా
(||pallavi||)
kammaranu jīvunigini idi kāraṇa memiyu ledaḍa
immula rājū nĕram̐gani vĕṭṭĕḍa yĕvvarigĕkkunu nārāyaṇā
(||kamma||)
yilalo jīvuni viṣhayabhogamuna nĕṁdunum̐ bŏrayanivām̐ḍavaḍa
salamā yela puṭṭiṁchidivī saṁsāravāridhini
kalagālamu nīgarbhagoḽamunam̐ gām̐puramuṁḍam̐ga niḍu sesi
phalamemi gaṭṭugŏṁṭivi bhāvamu dĕlubave nārāyaṇā
(||kamma||)
naḍabĕḍi yī jagamulanniyunu naḍanalu nīvaḍa tŏludane
yĕḍayaga yiṁde vinodiṁchĕdavu yĕḍḍadanaṁbā nīgemi
jaḍiyaga nīve sesina sem̐talu sarvamunu nilubam̐gavaladā
kaḍugam̐ganem̐ṭigi nĕṁgilibūrĕḍa kaḍaveyanela (?) nārāyaṇā
(||kamma||)
paragina yī karmamārgamulu baṁdhaheduvani sĕppidivi
yiravuganu vedamārgamulu nelā kāsuga tirigĕdavu
garimala śhrīveṁkaḍeśhvara yichchāgalbidamulu yinniyu nīgu
harinĕrigiṁchidivim̐ka nīsittamu sarveśhvara vo nārāyaṇā