(॥పల్లవి॥)
కంభమున వెడలి ఘననరసింహము
కుంభిని హిరణ్యుఁ గూలిచెను
(॥కంభ॥)
తొడికి దైత్యుఁ దన తొడపైకిఁ దిగిచి
కడుపు చించి రక్తము చల్లి
జడియక పేగులు జందెంబులుగా
మెడఁ దగిలించుక మెరసీ వాఁడే
(॥కంభ॥)
పెదవులు చింపుచు పెనుగోళ్ల నదిమి
వుదుటుఁ బునుక గొరికుమియుచును
సదరపు గుండెలు చప్పరింపుచును
మెదడు గందముగ మెత్తీ వాఁడే
(॥కంభ॥)
దేవతల భయము దీర్చి యంకమున
శ్రీవనితనుఁ గృప సేయుచును
పావనపు టహోబలగిరి దైవము
శ్రీవేంకటగిరిఁ జెలఁగీ వాఁడే
(||pallavi||)
kaṁbhamuna vĕḍali ghananarasiṁhamu
kuṁbhini hiraṇyum̐ gūlisĕnu
(||kaṁbha||)
tŏḍigi daityum̐ dana tŏḍabaigim̐ digisi
kaḍubu siṁchi raktamu salli
jaḍiyaga pegulu jaṁdĕṁbulugā
mĕḍam̐ dagiliṁchuga mĕrasī vām̐ḍe
(||kaṁbha||)
pĕdavulu siṁpusu pĕnugoḽla nadimi
vuduḍum̐ bunuga gŏrigumiyusunu
sadarabu guṁḍĕlu sappariṁpusunu
mĕdaḍu gaṁdamuga mĕttī vām̐ḍe
(||kaṁbha||)
devadala bhayamu dīrsi yaṁkamuna
śhrīvanidanum̐ gṛpa seyusunu
pāvanabu ṭahobalagiri daivamu
śhrīveṁkaḍagirim̐ jĕlam̐gī vām̐ḍe