కలుగుట గలిగిననాఁడే నే ఘనపాపములకు దొలంగీనా
(॥పల్లవి॥)
కలుగుట గలిగిననాఁడే నే ఘనపాపములకు దొలంగీనా
యెలమి నే నిపుడే యెరిఁగితిని యిన్నాళ్లీమతి లేదు
(॥కలు॥)
జనియించిన నే నిటకమునుపు సకలయోనిగతజన్మములు
కనుఁగొని యవె నే సారెకుఁ బలుమారు ఘనవర్ణాశ్రమధర్మములు
అనుభవించినవే సకలార్థంబులు అయిహికవిషయము లన్నియును
మనసున వాకున శ్రీహరి నొకని నే మఱచియుఁ దలఁచుట లేదు
(॥కలు॥)
తిరిగినవే నే నాసలకొరకును దిక్కు లన్నియును నేను
యిరవుగ తొల్లియు నెఱిఁగినవే యీసంసారపుసుఖము లివి
పొరలినవే నేఁ గామినీజనుల పొందుల సుఖముల భోగములు
యెరవులదొకటే శ్రీహరిదాస్యం బిది గతియని యెరుఁగుటలేదు
(॥కలు॥)
గడియించినవే నేఁ బూర్వకాలమున ఘనమగు సంపద లిన్నియును
నొడిగినవే నే శబ్దజాలములు నోరఁ గొలఁదు లివి యిన్నియును
తలఁబడి నే నిటు సకలోపాయపు ధర్మము లిన్నియుఁ జూచితివి
యెడపక శ్రీవేంకటేశ్వరు శరణం బిటువలెఁ జేరుటలేదు
(||pallavi||)
kaluguḍa galiginanām̐ḍe ne ghanabābamulagu dŏlaṁgīnā
yĕlami ne nibuḍe yĕrim̐gidini yinnāḽlīmadi ledu
(||kalu||)
janiyiṁchina ne niḍagamunubu sagalayonigadajanmamulu
kanum̐gŏni yavĕ ne sārĕgum̐ balumāru ghanavarṇāśhramadharmamulu
anubhaviṁchinave sagalārdhaṁbulu ayihigaviṣhayamu lanniyunu
manasuna vāguna śhrīhari nŏgani ne maṟasiyum̐ dalam̐suḍa ledu
(||kalu||)
tiriginave ne nāsalagŏragunu dikku lanniyunu nenu
yiravuga tŏlliyu nĕṟim̐ginave yīsaṁsārabusukhamu livi
pŏralinave nem̐ gāminījanula pŏṁdula sukhamula bhogamulu
yĕravuladŏgaḍe śhrīharidāsyaṁ bidi gadiyani yĕrum̐guḍaledu
(||kalu||)
gaḍiyiṁchinave nem̐ būrvagālamuna ghanamagu saṁpada linniyunu
nŏḍiginave ne śhabdajālamulu noram̐ gŏlam̐du livi yinniyunu
talam̐baḍi ne niḍu sagalobāyabu dharmamu linniyum̐ jūsidivi
yĕḍabaga śhrīveṁkaḍeśhvaru śharaṇaṁ biḍuvalĕm̐ jeruḍaledu