(॥పల్లవి॥)
కలియుగ మెటులైనాఁ గలదుగా నీ కరుణ
జలజాక్ష హరి హరి సర్వేశ్వరా
(॥కలి॥)
పాపమెంత గలిగినఁ బరిహరించేయందుకు
నాపాలఁ గలదుగా నీనామము
కోపమెంత గలిగిన కొచ్చి శాంతమిచ్చుటకు
చేపట్టి కలవుగా నాచిత్తములో నీవు
(॥కలి॥)
ధర నింద్రియా లెంత తరముకాడిన నన్ను
సరిఁ గావఁగద్దుగా నీ శరణాగతి
గరిమఁ గర్మబంధాలు గట్టిన తాళ్ళు వూడించ
నిరతిఁ గలదు గా నీ భక్తి నాకు
(॥కలి॥)
హితమైన యిహపరా లిష్టమైనవెల్లా నియ్య
సతమై కలదుగా నీసంకీర్తన
తతి శ్రీవేంకటేశ నాతపము ఫలియింపించ
గతి గలదుగా నీకమలాదేవి
(||pallavi||)
kaliyuga mĕḍulainām̐ galadugā nī karuṇa
jalajākṣha hari hari sarveśhvarā
(||kali||)
pābamĕṁta galiginam̐ barihariṁcheyaṁdugu
nābālam̐ galadugā nīnāmamu
kobamĕṁta galigina kŏchchi śhāṁtamichchuḍagu
sebaṭṭi kalavugā nāsittamulo nīvu
(||kali||)
dhara niṁdriyā lĕṁta taramugāḍina nannu
sarim̐ gāvam̐gaddugā nī śharaṇāgadi
garimam̐ garmabaṁdhālu gaṭṭina tāḽḽu vūḍiṁcha
niradim̐ galadu gā nī bhakti nāgu
(||kali||)
hidamaina yihabarā liṣhṭamainavĕllā niyya
sadamai kaladugā nīsaṁkīrdana
tadi śhrīveṁkaḍeśha nādabamu phaliyiṁpiṁcha
gadi galadugā nīgamalādevi