(॥పల్లవి॥)
కలిగెఁగా నేఁడు కాంతకు లోని
వలవంత సొలపులే వరుని సన్నుతులు
(॥కలిగె॥)
చెలువపు విభునిఁ జూచిన కన్నులకును
మలయు లేఁగురులే చామరతతులు
కలికి రమణునిఁ బొగడిననోరికిని
అలము నిట్టూర్పులే ఆలవట్టములు
(॥కలిగె॥)
సిరులందు విభుని డాఁచిన తలంపునకు
అరిది తలంపులే పాయనిపూజలు
పరువంపుఁబతి నాసపడిన గుబ్బలకు
అరవిరి చెమటలే అభిషేకములు
(॥కలిగె॥)
వెంకటపతితో నవ్విన నవ్వులకును
అంకెలమోవి తియ్యని బోనము
జంకించి యితనిపైఁ జూఁచు బొమ్మలకు
బింకపునటనలే ప్రియములగములు
(||pallavi||)
kaligĕm̐gā nem̐ḍu kāṁtagu loni
valavaṁta sŏlabule varuni sannudulu
(||kaligĕ||)
sĕluvabu vibhunim̐ jūsina kannulagunu
malayu lem̐gurule sāmaradadulu
kaligi ramaṇunim̐ bŏgaḍinanorigini
alamu niṭṭūrbule ālavaṭṭamulu
(||kaligĕ||)
sirulaṁdu vibhuni ḍām̐sina talaṁpunagu
aridi talaṁpule pāyanibūjalu
paruvaṁpum̐badi nāsabaḍina gubbalagu
araviri sĕmaḍale abhiṣhegamulu
(||kaligĕ||)
vĕṁkaḍabadido navvina navvulagunu
aṁkĕlamovi tiyyani bonamu
jaṁkiṁchi yidanibaim̐ jūm̐su bŏmmalagu
biṁkabunaḍanale priyamulagamulu