కలితె నానతీవయ్యా కానిదానికి నేమి
(॥పల్లవి॥)
కలితె నానతీవయ్యా కానిదానికి నేమి
చెలరేఁగి ఆపె మాఁట చెల్లించేఁ గాని
(॥కలితె॥)
వెడ్డువెట్టి నే నిన్ను వేడుకతోఁ గొసరఁగా
అడ్డాలు వచ్చీ నాకంటే నంత చుట్టమా
వొడ్డినగర్వాన నాతో వొరగోసుకొన్నది
సడ్డలాడి నీ వింత చనవు లిచ్చితివా
(॥కలితె॥)
బాసగొని నే నిన్ను పై పైఁ బలుకఁగాను
యీసడించీ నాకంటే యితవరా
గాసిలి మచ్చరాన నీకాంత మాసటీనివలె
సేసిన చేఁతల కల్లా చెల్లుబ డిచ్చితివా
(॥కలితే॥)
యీపొద్దె నిన్ను మాయింటికిఁ దోడుక పోఁగా
కోపగించీ నాకంటెఁ గూరిచినదా
కైపు గాక నన్ను శ్రీవెంకటనాధ కూడితివి
పై పై నాపెకుఁ బారుపత్యము లిచ్చితివా.
(||pallavi||)
kalidĕ nānadīvayyā kānidānigi nemi
sĕlarem̐gi ābĕ mām̐ṭa sĕlliṁchem̐ gāni
(||kalidĕ||)
vĕḍḍuvĕṭṭi ne ninnu veḍugadom̐ gŏsaram̐gā
aḍḍālu vachchī nāgaṁṭe naṁta suṭṭamā
vŏḍḍinagarvāna nādo vŏragosugŏnnadi
saḍḍalāḍi nī viṁta sanavu lichchidivā
(||kalidĕ||)
bāsagŏni ne ninnu pai paim̐ balugam̐gānu
yīsaḍiṁchī nāgaṁṭe yidavarā
gāsili machcharāna nīgāṁta māsaḍīnivalĕ
sesina sem̐tala kallā sĕlluba ḍichchidivā
(||kalide||)
yībŏddĕ ninnu māyiṁṭigim̐ doḍuga pom̐gā
kobagiṁchī nāgaṁṭĕm̐ gūrisinadā
kaibu gāga nannu śhrīvĕṁkaḍanādha kūḍidivi
pai pai nābĕgum̐ bārubatyamu lichchidivā.