కలఁడా యింతటి దాత కమలనాభుఁడే కాక
(॥పల్లవి॥)
కలఁడా యింతటి దాత కమలనాభుఁడే కాక
కలఁడన్న వారిపాలఁ గలిగిన దైవము
(॥కల॥)
యిచ్చెను సంపద లితఁడింద్రాదులకునెల్ల
యిచ్చెను శుకాదుల కిహపరాలు
యిచ్చెను వాయుజునికి యిటమీఁద బ్రహ్మపట్ట-
మిచ్చల ఘంటాకర్ణుని కిచ్చెఁ గుబేరత్వము
(॥కల॥)
కట్టెను ధ్రువపట్టము కమలజుకంటే మీఁద
కట్టె విభీషణుకు లంకారాజ్యము
కట్టియిచ్చె నజునికి గతచన్నవేదాలు
కట్టెను శ్రీసతిచేత గంకణసూత్రములు
(॥కల॥)
పెట్టెను దేవతలకు పేరినమృతపువిందు
వెట్టెను భక్తవత్సలబిరు దితఁడు
యిట్టె శ్రీవేంకటాద్రి నిందరికిఁ బొడచూపి
పెట్టెఁ దనపస్రాదము పృథివి జీవులకు
(||pallavi||)
kalam̐ḍā yiṁtaḍi dāda kamalanābhum̐ḍe kāga
kalam̐ḍanna vāribālam̐ galigina daivamu
(||kala||)
yichchĕnu saṁpada lidam̐ḍiṁdrādulagunĕlla
yichchĕnu śhugādula kihabarālu
yichchĕnu vāyujunigi yiḍamīm̐da brahmabaṭṭa-
michchala ghaṁṭāgarṇuni kichchĕm̐ guberatvamu
(||kala||)
kaṭṭĕnu dhruvabaṭṭamu kamalajugaṁṭe mīm̐da
kaṭṭĕ vibhīṣhaṇugu laṁkārājyamu
kaṭṭiyichchĕ najunigi gadasannavedālu
kaṭṭĕnu śhrīsadiseda gaṁkaṇasūtramulu
(||kala||)
pĕṭṭĕnu devadalagu perinamṛtabuviṁdu
vĕṭṭĕnu bhaktavatsalabiru didam̐ḍu
yiṭṭĕ śhrīveṁkaḍādri niṁdarigim̐ bŏḍasūbi
pĕṭṭĕm̐ danabasrādamu pṛthivi jīvulagu