അമ്പിളിമുത്തച്ഛന്‍ പിച്ചനടത്തുന്ന
നക്ഷത്രക്കൊച്ചുങ്ങളേ...ഏ
നക്ഷത്രക്കൊച്ചുങ്ങളേ!
ചന്തം പുലരണ നിങ്ങടെ നാട്ടീന്ന്
എന്തൊണ്ട് വർത്താനം? ഉം..
എന്തൊണ്ട് വർത്താനം?
കാച്ചിക്കുറുക്കിയ കന്നിനിലാപ്പാല്
കോരിക്കുടിക്കാമേ..ഏ
കോരിക്കുടിക്കാമേ...
കുട്ടിക്കരിമുകിലാനപ്പുറത്തേറി-
പ്പട്ടണം ചുറ്റാമേ? ഏ
പട്ടണം ചുറ്റാമേ
വാവലൊറങ്ങണ താന്നിമരത്തിന്റെ
താഴത്തെ പുല്‍ത്തറമേല്‍..ഏ
താഴത്തെപ്പുല്‍ത്തറമേല്‍
വേവുംവയറുമായ് ഞങ്ങളിരിക്കണ
കാരിയം കേള്‍ക്കണ്ടേ?..ഏ
കാരിയം കേള്‍ക്കണ്ടേ?
കാറ്റിൽ വറുമണം പറിക്കളിക്കണ
ഹോട്ടലിലെന്തു മേളം? ദൂരെയാ
ഹോട്ടലിലെന്തു മേളം?
കൊതിവെള്ളപ്പൊക്കത്ത് നാക്കുതുഴയണ്
കൊച്ചുകൊതുമ്പുവള്ളം ഓ
കൊച്ചുകൊതുമ്പുവള്ളം
മേലു വിയർക്കണ വേലയെടുക്കുവാന്‍
മേലാഞ്ഞിട്ടല്ലല്ലോ
മേഞ്ഞുനടക്കണ മേട്ടിലെ പുല്ലുകള്‍
കാഞ്ഞുകരിഞ്ഞാലോ.... ഓ
കാഞ്ഞുകരിഞ്ഞാലോ!
