కలకాల మిట్లాయఁ గాఁపుర మెల్లా
(॥పల్లవి॥)
కలకాల మిట్లాయఁ గాఁపుర మెల్లా
అల దైవమెందున్నాఁడో ఆలకించఁడుగా
(॥కల॥)
తనకే సంతసమైతే తన భాగ్యము వొగడు
తనకుఁ జింత పుట్టితే దైవము దూరు
మనుజుని గుణమెల్లా మాపుదాఁకా నిట్లానె
ఘనదైవ మెందున్నాఁడో కరుణఁ జూడఁడుగా
(॥కల॥)
విరివిఁ బాపాలు సేసేవేళ నాదాయము లెంచు
నరకమఁది పుణ్యము నాఁడు వెదకు
తిరమైన జీవుని తెలివెలా నీ లాగె
ధర దైవమెందున్నాఁడో దయఁ జూడఁడుగా
(॥కల॥)
వేళతో నిద్దిరింపుచు విరక్తునివలె నుండు
మేలుకొన్నవేళ నన్ని మెడఁ బూనును
యీలీల దేహిగుణము యెంచి శ్రీవేంకటేశుఁడు
యేలీ(లే?) దైవమెందున్నాఁడో యిట్టే మన్నించఁడుగా
(||pallavi||)
kalagāla miṭlāyam̐ gām̐pura mĕllā
ala daivamĕṁdunnām̐ḍo ālagiṁcham̐ḍugā
(||kala||)
tanage saṁtasamaide tana bhāgyamu vŏgaḍu
tanagum̐ jiṁta puṭṭide daivamu dūru
manujuni guṇamĕllā mābudām̐kā niṭlānĕ
ghanadaiva mĕṁdunnām̐ḍo karuṇam̐ jūḍam̐ḍugā
(||kala||)
virivim̐ bābālu seseveḽa nādāyamu lĕṁchu
naragamam̐di puṇyamu nām̐ḍu vĕdagu
tiramaina jīvuni tĕlivĕlā nī lāgĕ
dhara daivamĕṁdunnām̐ḍo dayam̐ jūḍam̐ḍugā
(||kala||)
veḽado niddiriṁpusu viraktunivalĕ nuṁḍu
melugŏnnaveḽa nanni mĕḍam̐ būnunu
yīlīla dehiguṇamu yĕṁchi śhrīveṁkaḍeśhum̐ḍu
yelī(le?) daivamĕṁdunnām̐ḍo yiṭṭe manniṁcham̐ḍugā