(॥పల్లవి॥)
కలదు తిరుమంత్రము కల దిహముఁ బరము
కలిమి గలుగు మాకుఁ గడమే లేదు
(॥కల॥)
కమలాక్ష నీవు మాకుఁ గలిగియుండఁగ భూమి
నమరలేని దొకటి నవ్వల లేదు
నెమకి నాలుకమీఁద నీ నామము మెలఁగఁగ
తమితోఁ బరుల వేఁడఁ దాఁ జోటులేదు
(॥కల॥)
శౌరి నీ చక్రము నాభుజముమీఁద నుండఁగాను
యీరసపుఁబగ లేదు యెదురూ లేదు
చేరువ నీసేవ నాచేతులపై నుండఁగాను
తీరని కర్మపువెట్టి దినమూ లేదు
(॥కల॥)
అచ్చుత నీపై భక్తి యాతుమలో నుండఁగాను
రచ్చలఁ బుట్టిన యపరాధమూ లేదు
నిచ్చలు శ్రీవేంకటేశ నీ శరణాగతుండఁగా
విచ్చిన విడే కాని విచారమే లేదు
(||pallavi||)
kaladu tirumaṁtramu kala dihamum̐ baramu
kalimi galugu māgum̐ gaḍame ledu
(||kala||)
kamalākṣha nīvu māgum̐ galigiyuṁḍam̐ga bhūmi
namaraleni dŏgaḍi navvala ledu
nĕmagi nālugamīm̐da nī nāmamu mĕlam̐gam̐ga
tamidom̐ barula vem̐ḍam̐ dām̐ joḍuledu
(||kala||)
śhauri nī sakramu nābhujamumīm̐da nuṁḍam̐gānu
yīrasabum̐baga ledu yĕdurū ledu
seruva nīseva nāsedulabai nuṁḍam̐gānu
tīrani karmabuvĕṭṭi dinamū ledu
(||kala||)
achchuda nībai bhakti yādumalo nuṁḍam̐gānu
rachchalam̐ buṭṭina yabarādhamū ledu
nichchalu śhrīveṁkaḍeśha nī śharaṇāgaduṁḍam̐gā
vichchina viḍe kāni visārame ledu