(॥పల్లవి॥)
కలదొక్కటే గురి కమలాక్ష నీ కరుణ
యిల నేనెట్టుండినాను యెంచకుమీ నేరమి
(॥కల॥)
మనసులోనికి గురి మాధవ నీ పాదాలు
తనువుపై గురి నీ సుదర్శనము
కనుచూపులకు గురి కమలాక్ష నీ రూపు
పను లెన్నిగలిగినఁ బట్టకు నా నేరమి
(॥కల॥)
చేతులు రెంటికి గురి సేసేటి నీ పూజలు
నీతి నా నాలికగురి నీ నామము
కాతరపునుదుటికిఁ గల తిరుమణి గురి
పాతకపు నావలనఁ బట్టకుమీ నేరము
(॥కల॥)
యిహపరాలకు గురి యీ నీ శరణాగతి
సహజ మాత్మకు గురి సంతతభక్తి
మహిలో శ్రీవేంకటేశ మన్నించి నన్నేలితివి
బహువిధముల నింకఁ బట్టకుమీ నేరమి
(||pallavi||)
kaladŏkkaḍe guri kamalākṣha nī karuṇa
yila nenĕṭṭuṁḍinānu yĕṁchagumī nerami
(||kala||)
manasulonigi guri mādhava nī pādālu
tanuvubai guri nī sudarśhanamu
kanusūbulagu guri kamalākṣha nī rūbu
panu lĕnnigaliginam̐ baṭṭagu nā nerami
(||kala||)
sedulu rĕṁṭigi guri seseḍi nī pūjalu
nīdi nā nāligaguri nī nāmamu
kādarabunuduḍigim̐ gala tirumaṇi guri
pādagabu nāvalanam̐ baṭṭagumī neramu
(||kala||)
yihabarālagu guri yī nī śharaṇāgadi
sahaja mātmagu guri saṁtadabhakti
mahilo śhrīveṁkaḍeśha manniṁchi nannelidivi
bahuvidhamula niṁkam̐ baṭṭagumī nerami