(॥పల్లవి॥)
కలది గలట్టే కర్మఫలంబులు
నిలిపితిమా నేము నిమ్మకు బులుసు
(॥కల॥)
యెంత సేసినా యిహమున జీవికి
చెంత నజుఁడు వ్రాసిన కొలఁదే
వంతల ముంటికి వాఁడి వెట్టితిమూ
కొంతతీపు చెఱకుకుఁ జల్లితిమా
(॥కల॥)
ఘనముగ బుద్దులు గఱపిన దేహికి
మును నోఁచిన నోముఫలంటే
నినుపుఁ దెంకాయకు నీరు నించితిమా
వొనర వేమునఁ జేఁదు నిచితిమా
(॥కల॥)
యిరవుగ శ్రీవేంకటేశుఁడే ప్రాణికి
కెరలి భాగ్య మొసఁగినయంతే
మరువమునకు బరిమళము సేసితిమా
పెరిగేటి యడవులు పెంచితిమా
(||pallavi||)
kaladi galaṭṭe karmaphalaṁbulu
nilibidimā nemu nimmagu bulusu
(||kala||)
yĕṁta sesinā yihamuna jīvigi
sĕṁta najum̐ḍu vrāsina kŏlam̐de
vaṁtala muṁṭigi vām̐ḍi vĕṭṭidimū
kŏṁtadību sĕṟagugum̐ jallidimā
(||kala||)
ghanamuga buddulu gaṟabina dehigi
munu nom̐sina nomuphalaṁṭe
ninubum̐ dĕṁkāyagu nīru niṁchidimā
vŏnara vemunam̐ jem̐du nisidimā
(||kala||)
yiravuga śhrīveṁkaḍeśhum̐ḍe prāṇigi
kĕrali bhāgya mŏsam̐ginayaṁte
maruvamunagu barimaḽamu sesidimā
pĕrigeḍi yaḍavulu pĕṁchidimā