(॥పల్లవి॥)
కల దింతె మాఁట కంతుని యాఁట
తెలుసుకో నీలోనిదియె పూఁటపూఁట
(॥కల॥)
అలమేలుమంగా హరియంతరంగా
కలితనాట్యరంగ కరుణాపాంగ
చెలువుఁడు వీఁడె చేకొను నేఁడె
వలరాజుతూపులివి వాఁడిమీఁది వాఁడి
(॥కల॥)
అలినీలవేణి యంబుజపాణి
వెలయంగ జగదేకవిభునిరాణి
కలయు నీ పతి వచ్చె గక్కన నిన్నిదె మెచ్చె
పలికీని చిలుకలు పచ్చి మీఁదఁబచ్చి
(॥కల॥)
సితచంద్రవదనా సింగారసదనా
చతురదాడిమబీజచయరదనా
యితవైన శ్రీ వెంకటేశుఁడు నిన్నిదె కూడె
తతిఁ దలపోఁతలు తలకూడెఁ గూడె
(||pallavi||)
kala diṁtĕ mām̐ṭa kaṁtuni yām̐ṭa
tĕlusugo nīlonidiyĕ pūm̐ṭabūm̐ṭa
(||kala||)
alamelumaṁgā hariyaṁtaraṁgā
kalidanāṭyaraṁga karuṇābāṁga
sĕluvum̐ḍu vīm̐ḍĕ segŏnu nem̐ḍĕ
valarājudūbulivi vām̐ḍimīm̐di vām̐ḍi
(||kala||)
alinīlaveṇi yaṁbujabāṇi
vĕlayaṁga jagadegavibhunirāṇi
kalayu nī padi vachchĕ gakkana ninnidĕ mĕchchĕ
paligīni silugalu pachchi mīm̐dam̐bachchi
(||kala||)
sidasaṁdravadanā siṁgārasadanā
saduradāḍimabījasayaradanā
yidavaina śhrī vĕṁkaḍeśhum̐ḍu ninnidĕ kūḍĕ
tadim̐ dalabom̐talu talagūḍĕm̐ gūḍĕ