కక్కసించఁబోతేను కలుచపడు వలపు
(॥పల్లవి॥)
కక్కసించఁబోతేను కలుచపడు వలపు
వొక్కటై నీవుండితేనే వోజకు వచ్చీఁ దానే*
(॥కక్క॥)
సొంటులు సోదించనేల సోలసి పలుకనేల
ఇంటికి వచ్చేఁగా యాతఁ డెందున్నా నేమే
కంటకము లాడకునే గక్కన విడెమియ్యవే
జంటవాయకుండితేనే చాయకువచ్చీఁదానే
(॥కక్క॥)
గుట్టు లరయఁగనేల కూరిమి గొసరనేల
పట్టెఁగా నీ కొం గతఁడు బత్తితోడను
వట్టి యెగ్గు లెంచకువే వచ్చి పాదములొత్తనే
చుట్టరికమే చూపనే సూటికి వచ్చీఁదానే
(॥కక్క॥)
చొప్పులు వెదకనేల చూపుల జంకించనేల
ఇప్పు డిట్టె కూడీఁగాని ఇతవెరిఁగి
అప్పఁడు శ్రీవేంకటేశుఁ డలమేల్మంగవు నీవు
తెప్పలుగా మో వియ్యవే తీరుపువచ్చీఁదానె
(||pallavi||)
kakkasiṁcham̐bodenu kalusabaḍu valabu
vŏkkaḍai nīvuṁḍidene vojagu vachchīm̐ dāne*
(||kakka||)
sŏṁṭulu sodiṁchanela solasi paluganela
iṁṭigi vachchem̐gā yādam̐ ḍĕṁdunnā neme
kaṁṭagamu lāḍagune gakkana viḍĕmiyyave
jaṁṭavāyaguṁḍidene sāyaguvachchīm̐dāne
(||kakka||)
guṭṭu larayam̐ganela kūrimi gŏsaranela
paṭṭĕm̐gā nī kŏṁ gadam̐ḍu battidoḍanu
vaṭṭi yĕggu lĕṁchaguve vachchi pādamulŏttane
suṭṭarigame sūbane sūḍigi vachchīm̐dāne
(||kakka||)
sŏppulu vĕdaganela sūbula jaṁkiṁchanela
ippu ḍiṭṭĕ kūḍīm̐gāni idavĕrim̐gi
appam̐ḍu śhrīveṁkaḍeśhum̐ ḍalamelmaṁgavu nīvu
tĕppalugā mo viyyave tīrubuvachchīm̐dānĕ