(॥పల్లవి॥)
కడు నీకు మోహించుఁ గాని చక్కని విభు-
నెడసి నిమిషమైన నెట్టోరిచేవే
(॥కడు॥)
పసిఁడిమంచముమీఁదఁ బవళించి యతనితో
కసరులాడెడియట్టు గాదువో నేఁడు
విసిగించెఁ గదనె యీ విరహానలము నిన్ను-
నిసుమంత దడవైన నెట్లోరిచేవే
(॥కడు॥)
అడుగులొత్తుచు నీ యడుగులు నతనియై
కడఁగి వొత్తినయట్లు గాదువో నేఁడు
బడలించెఁ గదవె యీ పరితాపమున నిన్ను-
నెడయెడ యలుకలనెట్టోరిచేవే
(॥కడు॥)
ఒరపైన యతినిపై నొరగి యాతనిమతిఁ
గరఁగించునటువలెఁ గాదువో నేఁడు
వెరవక కలసితి వేంకటపతితోడ-
నెఱిఁగెఱుంగని చేఁతలెట్టోరిచేవే
(||pallavi||)
kaḍu nīgu mohiṁchum̐ gāni sakkani vibhu-
nĕḍasi nimiṣhamaina nĕṭṭoriseve
(||kaḍu||)
pasim̐ḍimaṁchamumīm̐dam̐ bavaḽiṁchi yadanido
kasarulāḍĕḍiyaṭṭu gāduvo nem̐ḍu
visigiṁchĕm̐ gadanĕ yī virahānalamu ninnu-
nisumaṁta daḍavaina nĕṭloriseve
(||kaḍu||)
aḍugulŏttusu nī yaḍugulu nadaniyai
kaḍam̐gi vŏttinayaṭlu gāduvo nem̐ḍu
baḍaliṁchĕm̐ gadavĕ yī paridābamuna ninnu-
nĕḍayĕḍa yalugalanĕṭṭoriseve
(||kaḍu||)
ŏrabaina yadinibai nŏragi yādanimadim̐
garam̐giṁchunaḍuvalĕm̐ gāduvo nem̐ḍu
vĕravaga kalasidi veṁkaḍabadidoḍa-
nĕṟim̐gĕṟuṁgani sem̐talĕṭṭoriseve