కదిసి యాతఁడు మమ్ముఁ గాచుఁగాక
(॥పల్లవి॥)
కదిసి యాతఁడు మమ్ముఁ గాచుఁగాక
అదె యాతనికె శరణంటే నంటి నేను
(॥కదిసి॥)
యెవ్వని వుదరమున నిన్నిలోకములుండు
యెవ్వని పాదము మోచె నిల యలను
యెవ్వఁడు రక్షకుఁ డాయ నీ జంతుకోట్లకు
అవ్విభునికి శరణంటే నంటి నిప్పుడు
(॥కదిసి॥)
సభలో ద్రౌపదిఁ గాచె సర్వేశుఁ డెవ్వఁడు
అభయహస్త మొసంగె నాతఁ డెవ్వఁడు
ఇభవరదుఁ డెవ్వఁడు యీతనికే వొడిగట్టి
అభినవముగ శరణంటే నంటి నిప్పుడు
(॥కదిసి॥)
శరణుచొచ్చిన విభీషణుఁ గాచె నెవ్వఁడు
అరిది యజునితండ్రి యాతఁ డెవ్వఁడు
యిరవై శ్రీ వేంకటాద్రి యెక్కి నాతఁ డితఁడే
ఆరసి యితనికే శరణంటే నంటి నిప్పుడు
(||pallavi||)
kadisi yādam̐ḍu mammum̐ gāsum̐gāga
adĕ yādanigĕ śharaṇaṁṭe naṁṭi nenu
(||kadisi||)
yĕvvani vudaramuna ninnilogamuluṁḍu
yĕvvani pādamu mosĕ nila yalanu
yĕvvam̐ḍu rakṣhagum̐ ḍāya nī jaṁtugoṭlagu
avvibhunigi śharaṇaṁṭe naṁṭi nippuḍu
(||kadisi||)
sabhalo draubadim̐ gāsĕ sarveśhum̐ ḍĕvvam̐ḍu
abhayahasta mŏsaṁgĕ nādam̐ ḍĕvvam̐ḍu
ibhavaradum̐ ḍĕvvam̐ḍu yīdanige vŏḍigaṭṭi
abhinavamuga śharaṇaṁṭe naṁṭi nippuḍu
(||kadisi||)
śharaṇusŏchchina vibhīṣhaṇum̐ gāsĕ nĕvvam̐ḍu
aridi yajunidaṁḍri yādam̐ ḍĕvvam̐ḍu
yiravai śhrī veṁkaḍādri yĕkki nādam̐ ḍidam̐ḍe
ārasi yidanige śharaṇaṁṭe naṁṭi nippuḍu