Saagaram tirappoomaala korttu

സാഗരം തിരപ്പൂമാലകോര്‍ത്തു
കണ്‍പാര്‍ത്തിരിക്കുന്നതാരെ?
പൂവാകയില്‍ ഒരാണ്‍കോകിലം
വര്‍ണ്ണിച്ചു പാടുന്നതാരെ?
പാട്ടില്‍ വാരിപ്പുണരുന്നതാരെ?

ഏതുസങ്കല്‍പ്പ ചാരുത നിന്റെ
അനുരാഗത്തില്‍ നീലിമചാര്‍ത്തി?
എത്ര ജന്മങ്ങള്‍ തന്‍ ചൈത്രഭംഗികളില്‍
ഏറി അണയുന്നു ഞാന്‍ !

ഏതുവിഭാത നിറച്ചാര്‍ത്തിനുള്ളില്‍
നിന്റെ താരുണ്യം നീരാടി നിന്നു!
മുഗ്ധവസന്തങ്ങള്‍ തന്‍ ഋതുരാഗമഞ്ജുഷകള്‍
ചമയങ്ങളണിയിക്കുന്നു!