(॥పల్లవి॥)
కడగంటనే కెంపు గదురఁగాను
పడఁతి మురిపెపు నటనఁ బాయ దేమియును
(॥కడ॥)
మగువ ముత్తియపు గమ్మల వెన్నెలలుఁ జిన్నిఁ
నగవువెన్నెలలు నున్నతిఁ బొలయఁగాను
జగడించి విభుని విరసంబులనె సొలయఁగా
మొగముననుఁ గోపంబు మొలవదేమియును
(॥కడ॥)
రమణికుచకుంభభారమును మొలనూళ్ళ భా-
రమును నెన్నడిమి సన్నము దెలుపఁగా
ప్రమదంపు విభునిఁ బెడఁ బాసి చెనకుచు లోని-
తమకంపు సంభ్రమము తరగదేమియును
(॥కడ॥)
ముదిత మై సింగారములుఁ జక్కదనములును
పదివేలు విధములై పరఁగఁగాను
కదిసి వేంకటవిభుని కమ్మఁగౌఁగిటి రతులఁ
జెదరు నలకల సిరులు చెదరవేమియును
(||pallavi||)
kaḍagaṁṭane kĕṁpu gaduram̐gānu
paḍam̐ti muribĕbu naḍanam̐ bāya demiyunu
(||kaḍa||)
maguva muttiyabu gammala vĕnnĕlalum̐ jinnim̐
nagavuvĕnnĕlalu nunnadim̐ bŏlayam̐gānu
jagaḍiṁchi vibhuni virasaṁbulanĕ sŏlayam̐gā
mŏgamunanum̐ gobaṁbu mŏlavademiyunu
(||kaḍa||)
ramaṇigusaguṁbhabhāramunu mŏlanūḽḽa bhā-
ramunu nĕnnaḍimi sannamu dĕlubam̐gā
pramadaṁpu vibhunim̐ bĕḍam̐ bāsi sĕnagusu loni-
tamagaṁpu saṁbhramamu taragademiyunu
(||kaḍa||)
mudida mai siṁgāramulum̐ jakkadanamulunu
padivelu vidhamulai param̐gam̐gānu
kadisi veṁkaḍavibhuni kammam̐gaum̐giḍi radulam̐
jĕdaru nalagala sirulu sĕdaravemiyunu