కటకటా యిట్లాయఁగా పనులు చెలిపలుకు
(॥పల్లవి॥)
కటకటా యిట్లాయఁగా పనులు చెలిపలుకు
కిటుకుఁ గీరములు మును కిందుపడి గెలిచె
(॥కట॥)
ఇంతిముఖచందురుఁడు నీకుముదబాంధవుఁడు
నింతచలమునఁ బోరిరిన్నాళ్ళును
కాంతుఁడవు నీవలుగఁగాఁ జెలికి నీ విరహ-
సంతాపములు రేఁచి జలజారి గెలిచె
(॥కట॥)
వనజాక్షిచూపులును వలరాజుతూపులును
యెనయకే జగడించె నిన్నాళ్ళును
కినిసి నీవీయతివకెలనఁ దిరుఁగఁగ విరుల-
ననలె కడువాండ్లై నలుగడల గెలిచె
(॥కట॥)
లతలు పూవులతావిలంచములు చెలిమేన
యితవుగా వడినొసఁగె నిన్నాళ్ళును
సతిగెలిచె వేంకటేశ్వర నీ కరుణనిపుడు
ధృతిఁబూని జవరాలు తిరుఁగఁ దా గెలిచె
(||pallavi||)
kaḍagaḍā yiṭlāyam̐gā panulu sĕlibalugu
kiḍugum̐ gīramulu munu kiṁdubaḍi gĕlisĕ
(||kaḍa||)
iṁtimukhasaṁdurum̐ḍu nīgumudabāṁdhavum̐ḍu
niṁtasalamunam̐ boririnnāḽḽunu
kāṁtum̐ḍavu nīvalugam̐gām̐ jĕligi nī viraha-
saṁtābamulu rem̐si jalajāri gĕlisĕ
(||kaḍa||)
vanajākṣhisūbulunu valarājudūbulunu
yĕnayage jagaḍiṁchĕ ninnāḽḽunu
kinisi nīvīyadivagĕlanam̐ dirum̐gam̐ga virula-
nanalĕ kaḍuvāṁḍlai nalugaḍala gĕlisĕ
(||kaḍa||)
ladalu pūvuladāvilaṁchamulu sĕlimena
yidavugā vaḍinŏsam̐gĕ ninnāḽḽunu
sadigĕlisĕ veṁkaḍeśhvara nī karuṇanibuḍu
dhṛtim̐būni javarālu tirum̐gam̐ dā gĕlisĕ