(॥పల్లవి॥)
కటకట హరిమాయాకల్పనెట్టిదో
తటుకునఁ బారవేసే తలఁపెందు లేదు
(॥కటకటా॥)
అనంతకోటియుగాదులనుండియు
తనివోక విషయాలఁ దగిలుండినా
దినమొక్కొక్కరుచియై తీపులై పండీఁగాని
వెనుకొన్న యాత్మకు వెగ టెందు లేదు
(॥కటకటా॥)
కడలేక నాలుకకుఁ గన్నయాహారములెల్ల
వోడలిలోఁ బూఁటవూఁట వొట్టుకొనినా
సడిఁ బైపై వింతవింతచవులే వెదకుఁగాని
విడువని యాత్మకు వెగ టెందు లేదు
(॥కటకటా॥)
కలకాలముననుండి కాపురపు లంపటాలె
కలిమితో మెడఁగుచ్చి కట్టుకొనినా
యెలమితో శ్రీవేంకటేశ్వరునాజ్ఞల -
నలవాటైన యాత్మకలపే లేదు
(||pallavi||)
kaḍagaḍa harimāyāgalbanĕṭṭido
taḍugunam̐ bāravese talam̐pĕṁdu ledu
(||kaḍagaḍā||)
anaṁtagoḍiyugādulanuṁḍiyu
tanivoga viṣhayālam̐ dagiluṁḍinā
dinamŏkkŏkkarusiyai tībulai paṁḍīm̐gāni
vĕnugŏnna yātmagu vĕga ṭĕṁdu ledu
(||kaḍagaḍā||)
kaḍalega nālugagum̐ gannayāhāramulĕlla
voḍalilom̐ būm̐ṭavūm̐ṭa vŏṭṭugŏninā
saḍim̐ baibai viṁtaviṁtasavule vĕdagum̐gāni
viḍuvani yātmagu vĕga ṭĕṁdu ledu
(||kaḍagaḍā||)
kalagālamunanuṁḍi kāburabu laṁpaḍālĕ
kalimido mĕḍam̐guchchi kaṭṭugŏninā
yĕlamido śhrīveṁkaḍeśhvarunājñala -
nalavāḍaina yātmagalabe ledu