కావఁగ (క ) నీకే పోదు కరుణానిధివి గాన
(॥పల్లవి॥)
కావఁగ (క ) నీకే పోదు కరుణానిధివి గాన
దేవ నీ బంట్లము మా తెరువేఁటి తెరువు
(॥కావఁ॥)
బండుబండై వూరఁగల పనులెల్లాఁ జేసేము
యెండాతా నీడౌతా నెఱఁగము
కొండలరాయఁడ మమ్ముఁ గోరి పుట్టించఁగా నీవు
బెండువంటి వారము మా బిగు వేఁటిబిగువు
(॥కావఁ॥)
దీనుఁడనై యాసలనే దిక్కులెల్లాఁ దిరిగేము
కాని దెందో మంచి దెందో కానము
శ్రీనాథ నీవు మాకు జీవమయి వుండఁగాను
మానువంటి వారము మా మనసేటి మనసు
(॥కావఁ॥)
బొందితోడఁ బుట్టితిమి భోగించేమేమైనా
యెందుకాతా నేడకౌతా నెఱఁగము
యిందును శ్రీవేంకటేశ యిహముఁ బరము నీవే
చెంది నీ దాసులము మా చేఁత యేఁటిచేఁత
(||pallavi||)
kāvam̐ga (ka ) nīge podu karuṇānidhivi gāna
deva nī baṁṭlamu mā tĕruvem̐ṭi tĕruvu
(||kāvam̐||)
baṁḍubaṁḍai vūram̐gala panulĕllām̐ jesemu
yĕṁḍādā nīḍaudā nĕṟam̐gamu
kŏṁḍalarāyam̐ḍa mammum̐ gori puṭṭiṁcham̐gā nīvu
bĕṁḍuvaṁṭi vāramu mā bigu vem̐ṭibiguvu
(||kāvam̐||)
dīnum̐ḍanai yāsalane dikkulĕllām̐ dirigemu
kāni dĕṁdo maṁchi dĕṁdo kānamu
śhrīnātha nīvu māgu jīvamayi vuṁḍam̐gānu
mānuvaṁṭi vāramu mā manaseḍi manasu
(||kāvam̐||)
bŏṁdidoḍam̐ buṭṭidimi bhogiṁchememainā
yĕṁdugādā neḍagaudā nĕṟam̐gamu
yiṁdunu śhrīveṁkaḍeśha yihamum̐ baramu nīve
sĕṁdi nī dāsulamu mā sem̐ta yem̐ṭisem̐ta