కానకుంటి మిందాఁకా కంటి మాడకుఁ బోదము
(॥పల్లవి॥)
కానకుంటి మిందాఁకా కంటి మాడకుఁ బోదము
కానీలే అందుకేమి కళవళ మేలయ్యా
(॥కాన॥)
తొంగి చూచె నదె సీత తూరుపునఁ దమ్ముఁడా
సంగతిఁ జందురుఁ డింతె సతి గాదయ్యా
చెంగట నే వెదకఁగా జేరి నవ్వీఁ జూడరాదా
రంగగు వెన్నెల లింతే రామచంద్ర చూడుమా
(॥కాన॥)
పొంచి చేతఁ బిలిచీని పొద దండ నదె సీత
అంచెలఁ దీగె ఇంతే అటుగాదయ్యా
యెంచనేల దవ్వులను యెలిఁగించీ వినరాదా
పెంచవు నెమలి గాని పిలుపు గాదయ్యా
(॥కాన॥)
నిలుచుండి చూచె నదె నిండుఁగొలఁకులో సీత
కలువ లింతే ఆపెగాదయ్యా
కలికి శ్రీవేంకటాద్రిఁ గాఁగిలించె నిదె నన్ను
తలఁపుతో నాకె నిన్నుఁ దగిలుండునయ్యా
(||pallavi||)
kānaguṁṭi miṁdām̐kā kaṁṭi māḍagum̐ bodamu
kānīle aṁdugemi kaḽavaḽa melayyā
(||kāna||)
tŏṁgi sūsĕ nadĕ sīda tūrubunam̐ dammum̐ḍā
saṁgadim̐ jaṁdurum̐ ḍiṁtĕ sadi gādayyā
sĕṁgaḍa ne vĕdagam̐gā jeri navvīm̐ jūḍarādā
raṁgagu vĕnnĕla liṁte rāmasaṁdra sūḍumā
(||kāna||)
pŏṁchi sedam̐ bilisīni pŏda daṁḍa nadĕ sīda
aṁchĕlam̐ dīgĕ iṁte aḍugādayyā
yĕṁchanela davvulanu yĕlim̐giṁchī vinarādā
pĕṁchavu nĕmali gāni pilubu gādayyā
(||kāna||)
nilusuṁḍi sūsĕ nadĕ niṁḍum̐gŏlam̐kulo sīda
kaluva liṁte ābĕgādayyā
kaligi śhrīveṁkaḍādrim̐ gām̐giliṁchĕ nidĕ nannu
talam̐pudo nāgĕ ninnum̐ dagiluṁḍunayyā