కాంతుని వలపు నేనే కన్నదాఁకాను
(॥పల్లవి॥)
కాంతుని వలపు నేనే కన్నదాఁకాను
చెంతల నన్ను బలిమి సేయకురే చెలులు
(॥కాంతు॥)
దగ్గరివచ్చినదాఁకా దవ్వుల నుండుటే చవి
సిగ్గులు దేరినదాఁకా చింతలే చవి
బగ్గన నవ్వినదాఁకా పంతపుమోనమే చవి
వొగ్గి నన్నుఁ బిలువకుండరాదా చెలులు
(॥కాంతు॥)
తెంకికి వచ్చుదాఁకా సాదింపఁజూపలే చవి
మంకు దీరుదాఁకా నెడమాటలే చవి
సంకె దీరునందాఁకా సరసములే చవి
అంకెకు రమ్మని నన్ను నంటకురే చెలులు
(॥కాంతు॥)
మనసు గలయుదాఁకా మచ్చరములే చవి
తనివిఁ బొందినదాఁకా తాపమే చవి
యెనసె శ్రీవేంకటేశుఁ డింతలోనె నన్నుఁ నేఁడు
పెనఁగి నన్నింకా రట్టుపెట్టకురే చెలులు
(||pallavi||)
kāṁtuni valabu nene kannadām̐kānu
sĕṁtala nannu balimi seyagure sĕlulu
(||kāṁtu||)
daggarivachchinadām̐kā davvula nuṁḍuḍe savi
siggulu derinadām̐kā siṁtale savi
baggana navvinadām̐kā paṁtabumoname savi
vŏggi nannum̐ biluvaguṁḍarādā sĕlulu
(||kāṁtu||)
tĕṁkigi vachchudām̐kā sādiṁpam̐jūbale savi
maṁku dīrudām̐kā nĕḍamāḍale savi
saṁkĕ dīrunaṁdām̐kā sarasamule savi
aṁkĕgu rammani nannu naṁṭagure sĕlulu
(||kāṁtu||)
manasu galayudām̐kā machcharamule savi
tanivim̐ bŏṁdinadām̐kā tābame savi
yĕnasĕ śhrīveṁkaḍeśhum̐ ḍiṁtalonĕ nannum̐ nem̐ḍu
pĕnam̐gi nanniṁkā raṭṭubĕṭṭagure sĕlulu