కాంతుఁడు మరుని యాజ్ఞ కడవలేఁ డింతే కాక
(॥పల్లవి॥)
కాంతుఁడు మరుని యాజ్ఞ కడవలేఁ డింతే కాక
కొంతైన నెరఁగఁడా కోన చెన్నరాయఁడు
(॥కాంతుఁడు॥)
వలపు నిలుప లేక వనితకు మొక్కెఁ గాక
సొలప వాఁ డటువంటి సుద్దులవాఁడా
చెలిమి విడువ లేక చెయివూఁత యిచ్చెఁ గాక
కొలమున నేమి తక్కువవాఁడా
(॥కాంతుఁడు॥)
ఆసలు మానఁగ లేక ఆకు మడి చిచ్చెఁ గాక
వేసాల వాఁ డటువంటి విద్యలవాఁడా
బాసలు దప్పఁగ లేక బడినె తిరిగెఁ గాక
యీసున దొరతనము లెఱఁగనివాఁడా
(॥కాంతుఁడు॥)
పొందు విడువఁగ లేక పొత్తున భుజించెఁ గాక
అందగాఁ డాతఁ డెంగి లంటేవాఁడా
అంది శ్రీవెంకటనాథు డాపెఁ గూడితే నేమి
చందముగా నాతోడి సమరతి మానేనా.
(||pallavi||)
kāṁtum̐ḍu maruni yājña kaḍavalem̐ ḍiṁte kāga
kŏṁtaina nĕram̐gam̐ḍā kona sĕnnarāyam̐ḍu
(||kāṁtum̐ḍu||)
valabu niluba lega vanidagu mŏkkĕm̐ gāga
sŏlaba vām̐ ḍaḍuvaṁṭi suddulavām̐ḍā
sĕlimi viḍuva lega sĕyivūm̐ta yichchĕm̐ gāga
kŏlamuna nemi takkuvavām̐ḍā
(||kāṁtum̐ḍu||)
āsalu mānam̐ga lega āgu maḍi sichchĕm̐ gāga
vesāla vām̐ ḍaḍuvaṁṭi vidyalavām̐ḍā
bāsalu dappam̐ga lega baḍinĕ tirigĕm̐ gāga
yīsuna dŏradanamu lĕṟam̐ganivām̐ḍā
(||kāṁtum̐ḍu||)
pŏṁdu viḍuvam̐ga lega pŏttuna bhujiṁchĕm̐ gāga
aṁdagām̐ ḍādam̐ ḍĕṁgi laṁṭevām̐ḍā
aṁdi śhrīvĕṁkaḍanāthu ḍābĕm̐ gūḍide nemi
saṁdamugā nādoḍi samaradi mānenā.