(॥పల్లవి॥)
కాంతయైతే నీకుఁ జేసీ కమలముపైఁ దపము
వంతుల రమణుఁడవు వరమియ్యవయ్యా
(॥కాంత॥)
కూటువ నీయింతికనుఁగొనలఁ బోలుదుమని
నీటనే తపము సేసీ నీరజములు
చాటి కొమ్మతురుముతో సరివచ్చేమని మింట
మీటుఁదపములు సేసీ మేఘములు
(॥కాంత॥)
మెండగు చెలినడుము మించేమనుచు నేఁడు
కొండలఁ దపాలు సేసీ కోరి సింహలు
అండ నీసతిచన్నుల అందములకు వనాల
చండిఁ దపములు సేసీఁ జక్రవాకాలు
(॥కాంత॥)
యీవనితపాదముల యీడుకుఁగా చిగురులు
దావతిఁ దపాలు సేసీ తరువులపై
శ్రీవేంకటేశ నీవు చెలినిట్టే కూడుమని
భావజుఁడు తపియించీఁ బంచాగ్నినడుమ
(||pallavi||)
kāṁtayaide nīgum̐ jesī kamalamubaim̐ dabamu
vaṁtula ramaṇum̐ḍavu varamiyyavayyā
(||kāṁta||)
kūḍuva nīyiṁtiganum̐gŏnalam̐ boludumani
nīḍane tabamu sesī nīrajamulu
sāḍi kŏmmadurumudo sarivachchemani miṁṭa
mīḍum̐dabamulu sesī meghamulu
(||kāṁta||)
mĕṁḍagu sĕlinaḍumu miṁchemanusu nem̐ḍu
kŏṁḍalam̐ dabālu sesī kori siṁhalu
aṁḍa nīsadisannula aṁdamulagu vanāla
saṁḍim̐ dabamulu sesīm̐ jakravāgālu
(||kāṁta||)
yīvanidabādamula yīḍugum̐gā sigurulu
dāvadim̐ dabālu sesī taruvulabai
śhrīveṁkaḍeśha nīvu sĕliniṭṭe kūḍumani
bhāvajum̐ḍu tabiyiṁchīm̐ baṁchāgninaḍuma