(॥పల్లవి॥)
కాంతల మానమనేటి కరవట్నాలకు దిగె
మంతనాన జీవుఁడనే మంచిమరకాఁడు
(॥కాంత॥)
అరిది సంసారమనే యంబుధిలోనఁ దిరిగి
వురుగతి దేహపుటోడమీఁద
సరిఁ బాపపుణ్యముల సరకులు నించుకొని
దరి చేరె జీవుఁడనే తలమరకాఁడు
(॥కాంత॥)
కడలేని నిట్టూర్పుగాలి విసరఁగాను
జడియుఁ గోరికలనే చాపలెత్తి
అడిబరవుగ మాయ అందునిండా నించుకొని
యెడతాఁకె జీవుఁడనే యీమరకాఁడు
(॥కాంత॥)
అలర శ్రీవేంకటేశుఁడని యేటిమాలిమి
నలుదిక్కులకు నోడ నడపఁగాను
ములిగె ధర్మార్థకామమోక్షధనము గడించి
పలుమాఱు జీవుఁడనే బలుమరకాఁడు
(||pallavi||)
kāṁtala mānamaneḍi karavaṭnālagu digĕ
maṁtanāna jīvum̐ḍane maṁchimaragām̐ḍu
(||kāṁta||)
aridi saṁsāramane yaṁbudhilonam̐ dirigi
vurugadi dehabuḍoḍamīm̐da
sarim̐ bābabuṇyamula saragulu niṁchugŏni
dari serĕ jīvum̐ḍane talamaragām̐ḍu
(||kāṁta||)
kaḍaleni niṭṭūrbugāli visaram̐gānu
jaḍiyum̐ gorigalane sābalĕtti
aḍibaravuga māya aṁduniṁḍā niṁchugŏni
yĕḍadām̐kĕ jīvum̐ḍane yīmaragām̐ḍu
(||kāṁta||)
alara śhrīveṁkaḍeśhum̐ḍani yeḍimālimi
naludikkulagu noḍa naḍabam̐gānu
muligĕ dharmārdhagāmamokṣhadhanamu gaḍiṁchi
palumāṟu jīvum̐ḍane balumaragām̐ḍu