కాంతాళిం చాడినమాఁట గాదు సుమ్మీ వో విభుఁడ
(॥పల్లవి॥)
కాంతాళిం చాడినమాఁట గాదు సుమ్మీ వో విభుఁడ
దొంతిమాయలఁ జిక్కఁగ దొరలకుఁ జెల్లునా
(॥కాంతా॥)
వేడుకతో నీ వాపె వెంట వెంటఁ దిరుగగా
చేడెలలో నెల్ల నాకు సిగ్గాయరా
యీడు లేని వలపు నిన్నెరఁగని దింతే కాక
తోడనె యీ పను లెల్ల దొరలకుఁ జెల్లునా
(॥కాంతా॥)
వొయ్యనె నీ వాపెకు వూడిగాలు సేయఁగాను
నెయ్యపు నా కపు డెంత నెగు లాయరా
గయ్యాళితమి నీకు కన్నులఁ గప్పెఁ గాక
తొయ్యలికి నింత లోఁగ దొరలకుఁ జెల్లునా
(॥కాంతా॥)
ఆసపడి నీ వాపెకు అట్టె కొలువు సేయఁగా
యీసున నాకునుఁ గోప మెంత వచ్చెరా
కోసువానిపల్లెలోనఁ గూడి శ్రీవెంకటనాథ
తోసిపోవైతివి యింత దొరలకుఁ జెల్లునా.
(||pallavi||)
kāṁtāḽiṁ sāḍinamām̐ṭa gādu summī vo vibhum̐ḍa
dŏṁtimāyalam̐ jikkam̐ga dŏralagum̐ jĕllunā
(||kāṁtā||)
veḍugado nī vābĕ vĕṁṭa vĕṁṭam̐ dirugagā
seḍĕlalo nĕlla nāgu siggāyarā
yīḍu leni valabu ninnĕram̐gani diṁte kāga
toḍanĕ yī panu lĕlla dŏralagum̐ jĕllunā
(||kāṁtā||)
vŏyyanĕ nī vābĕgu vūḍigālu seyam̐gānu
nĕyyabu nā kabu ḍĕṁta nĕgu lāyarā
gayyāḽidami nīgu kannulam̐ gappĕm̐ gāga
tŏyyaligi niṁta lom̐ga dŏralagum̐ jĕllunā
(||kāṁtā||)
āsabaḍi nī vābĕgu aṭṭĕ kŏluvu seyam̐gā
yīsuna nāgunum̐ goba mĕṁta vachchĕrā
kosuvāniballĕlonam̐ gūḍi śhrīvĕṁkaḍanātha
tosibovaidivi yiṁta dŏralagum̐ jĕllunā.