కామిని నీ సౌభాగ్యము గలిగిన ఫలమిది గలిగెను
(॥పల్లవి॥)
కామిని నీ సౌభాగ్యము గలిగిన ఫలమిది గలిగెను
ఆమని వెన్నెలకేఁటికి నలయుచు వచ్చెదవే
(॥కామి॥)
గుబ్బల చెమటల పయ్యెద కొనగొంగున నల్లార్పుచు
ఉబ్బున గమనావస్థల నూఁటాడెదవేలే
బబ్బిలికాయల రవములు పదనూపురములఁ గెలయఁగ
తబ్బిబ్బుగ నునుపాదము తాటించెదవేలే
(॥కామి॥)
ఎత్తిన కరమూలపురుచులిరుగడ మెఱుఁగులు దొలఁకఁగ
తత్తరమందుచు నెవ్వనిఁ దలఁపుచు మ్రొక్కెదపు
ముత్తెపుసరముల వేఁగున మరియుచు నెచ్చరివై నీ-
వొత్తిలి నిట్టూర్పులతో నొయ్యన పలికెదవే
(॥కామి॥)
తావులు చల్లెటి దేహము తలఁపులుమీరిన హరుషము
లోవెలుతుల వెడయాసలు లోపలి కోరికలు
శ్రీవేంకటగిరినాథుని చెలువపు కౌఁగిటి వుయ్యల
భావజసౌఖ్యాంబుధిలో పలుమరుఁ జెలఁగెదవే
(||pallavi||)
kāmini nī saubhāgyamu galigina phalamidi galigĕnu
āmani vĕnnĕlagem̐ṭigi nalayusu vachchĕdave
(||kāmi||)
gubbala sĕmaḍala payyĕda kŏnagŏṁguna nallārbusu
ubbuna gamanāvasthala nūm̐ṭāḍĕdavele
babbiligāyala ravamulu padanūburamulam̐ gĕlayam̐ga
tabbibbuga nunubādamu tāḍiṁchĕdavele
(||kāmi||)
ĕttina karamūlaburusulirugaḍa mĕṟum̐gulu dŏlam̐kam̐ga
tattaramaṁdusu nĕvvanim̐ dalam̐pusu mrŏkkĕdabu
muttĕbusaramula vem̐guna mariyusu nĕchcharivai nī-
vŏttili niṭṭūrbulado nŏyyana paligĕdave
(||kāmi||)
tāvulu sallĕḍi dehamu talam̐pulumīrina haruṣhamu
lovĕludula vĕḍayāsalu lobali korigalu
śhrīveṁkaḍagirināthuni sĕluvabu kaum̐giḍi vuyyala
bhāvajasaukhyāṁbudhilo palumarum̐ jĕlam̐gĕdave