కాఁగలదయ్యాఁ గాక కాఁక లేఁటికే
(॥పల్లవి॥)
కాఁగలదయ్యాఁ గాక కాఁక లేఁటికే
దాఁగ నేల యింతలోనె తానె నే ననవే
(॥కాఁగ॥)
కంటిచూపు వాఁ డాయ కమ్మనవ్వు వేఁ డాయ
యింటిలో నింకా బుద్దులేమి చెప్పేవే
కుంటెనలు విసుపైఁ గోరికలు ముసిపై
అంటఁగాక వున్నదాన నానవెట్ట నేఁటికే
(॥కాఁగ॥)
మంతనాలు దరచాయ మాటపట్టు గురుచాయ
యెంత కెంత వొడఁబాట్లిఁక నేఁటికే
దొంతులాయఁ గూరిములు దూరులాయ నేరములు
వంతులు వాసులు నింక వద్దనవే
(॥కాఁగ॥)
చిత్తమెల్ల నీ రాయ సిగ్గు లెల్ల జారాయ
యిత్తల వెనకసుద్దు లిఁక నేఁటికే
అత్తిన శ్రీవెంకటేశుఁ డాదరించి నన్నుఁ గూడె
తత్తరపు వేడుకలు దలకూడెనే
(||pallavi||)
kām̐galadayyām̐ gāga kām̐ka lem̐ṭige
dām̐ga nela yiṁtalonĕ tānĕ ne nanave
(||kām̐ga||)
kaṁṭisūbu vām̐ ḍāya kammanavvu vem̐ ḍāya
yiṁṭilo niṁkā buddulemi sĕppeve
kuṁṭĕnalu visubaim̐ gorigalu musibai
aṁṭam̐gāga vunnadāna nānavĕṭṭa nem̐ṭige
(||kām̐ga||)
maṁtanālu darasāya māḍabaṭṭu gurusāya
yĕṁta kĕṁta vŏḍam̐bāṭlim̐ka nem̐ṭige
dŏṁtulāyam̐ gūrimulu dūrulāya neramulu
vaṁtulu vāsulu niṁka vaddanave
(||kām̐ga||)
sittamĕlla nī rāya siggu lĕlla jārāya
yittala vĕnagasuddu lim̐ka nem̐ṭige
attina śhrīvĕṁkaḍeśhum̐ ḍādariṁchi nannum̐ gūḍĕ
tattarabu veḍugalu dalagūḍĕne