(॥పల్లవి॥)
కామయాగము చేసెఁ గలికి తన-
ప్రేమమే దేవతాప్రీతిగాను
(॥కామ॥)
పొలుపలర సురతతాంబులరసపానంబు
నలినాక్షి సోమపానంబు గాను
కలకలంబుల మంచి గళరవంబుల మోఁత
తలకొన్న వేదమంత్రములుగాను
(॥కామ॥)
పడఁతి తన విరతాపమునఁ బుట్టిన యగ్ని
అడరి దరికొన్న హోమాగ్నిగాను
ఒడఁబడిక సమరతుల నుదయించిన చెమటఁ
దడియుటే యది యవభృథంబుగాను
(॥కామ॥)
తనరఁ గుచముల రుచులు దంతాక్షత క్రీడ
ననుపైన పశుబంధనంబుగాను
యెనసి శ్రీతిరువేంకటేశ్వరుని పొందు
ఘనమైన దివ్యభోగంబుగాను
(||pallavi||)
kāmayāgamu sesĕm̐ galigi tana-
premame devadāprīdigānu
(||kāma||)
pŏlubalara suradadāṁbularasabānaṁbu
nalinākṣhi somabānaṁbu gānu
kalagalaṁbula maṁchi gaḽaravaṁbula mom̐ta
talagŏnna vedamaṁtramulugānu
(||kāma||)
paḍam̐ti tana viradābamunam̐ buṭṭina yagni
aḍari darigŏnna homāgnigānu
ŏḍam̐baḍiga samaradula nudayiṁchina sĕmaḍam̐
daḍiyuḍe yadi yavabhṛthaṁbugānu
(||kāma||)
tanaram̐ gusamula rusulu daṁtākṣhada krīḍa
nanubaina paśhubaṁdhanaṁbugānu
yĕnasi śhrīdiruveṁkaḍeśhvaruni pŏṁdu
ghanamaina divyabhogaṁbugānu