(॥పల్లవి॥)
కామక్రోధవికార జలనిధికి కలశభవుఁడు మీ నామము
భీమగుణత్రయ బిసకాండములకు బిరుదుహంస మీ నామము
(॥కామ॥)
బహుళదురిత పటుపటల మను ఘన
గహన దావశిఖి గణుతింపఁగ మీ నామము
సహజ కలుషతమిస్రము దొలగింపఁగ నహ
రహముల వెలిఁగెడి రవి బింబమైనది మీ నామము
(॥కామ॥)
జననబంధదోషములను గిరులకు
ననుపమ మగు నిష్టుర నిర్ఘాతం బరయఁగ మీ నామము
ఘనసంసారం బను పెనుసర్పం
బునకును ముదమున గరుడుఁడు మీ నామము
(॥కామ॥)
తీరని పంచేంద్రియ మేఘములకు
ఘోరమారుతవిహారం బైనది మీ నామము
శ్రీరమణీశ్వర శ్రీవేంకటపతి
ధారుణిఁ బొగడఁగఁ దగినది మీ నామము
(||pallavi||)
kāmakrodhavigāra jalanidhigi kalaśhabhavum̐ḍu mī nāmamu
bhīmaguṇatraya bisagāṁḍamulagu biruduhaṁsa mī nāmamu
(||kāma||)
bahuḽadurida paḍubaḍala manu ghana
gahana dāvaśhikhi gaṇudiṁpam̐ga mī nāmamu
sahaja kaluṣhadamisramu dŏlagiṁpam̐ga naha
rahamula vĕlim̐gĕḍi ravi biṁbamainadi mī nāmamu
(||kāma||)
jananabaṁdhadoṣhamulanu girulagu
nanubama magu niṣhṭura nirghādaṁ barayam̐ga mī nāmamu
ghanasaṁsāraṁ banu pĕnusarbaṁ
bunagunu mudamuna garuḍum̐ḍu mī nāmamu
(||kāma||)
tīrani paṁcheṁdriya meghamulagu
ghoramārudavihāraṁ bainadi mī nāmamu
śhrīramaṇīśhvara śhrīveṁkaḍabadi
dhāruṇim̐ bŏgaḍam̐gam̐ daginadi mī nāmamu