(॥పల్లవి॥)
కామధేనువు దేవకల్పితము భువిలోన
వోముచును భోగించ యుక్తివలెఁ గాని
(॥కామ॥)
తలఁచినట్లనౌ దైవము వ్రాసిన వ్రాఁత
పలికినట్లనౌ పలుమంత్ర జపములు
నిలిపినట్లనౌ నిర్మల చిత్తము కీలు
నెలవునఁ బనిగొన నేర్పువలెఁ గాని
(॥కామ॥)
యిమ్మనినట్ల నిచ్చు నేచినకర్మఫలము
కమ్మన్నట్లనౌ ఘనతపముల శక్తి
తెమ్మనినయట్లఁ దెచ్చు ద్రిష్ఠము యక్షిణీవిద్య
చిమ్ములను దనకంత చింతవలెఁగాని
(॥కామ॥)
వునిచినట్లనుండు నొక్కడే దేహగుణము
యెనలేని శ్రీవేంకటేశ్వరుమాయ లివి
పెనచిన యిహమేపో బీజము వుద్యోగులకు
తనివి నలమేల్మంగదయ వలెఁగాని
(||pallavi||)
kāmadhenuvu devagalbidamu bhuvilona
vomusunu bhogiṁcha yuktivalĕm̐ gāni
(||kāma||)
talam̐sinaṭlanau daivamu vrāsina vrām̐ta
paliginaṭlanau palumaṁtra jabamulu
nilibinaṭlanau nirmala sittamu kīlu
nĕlavunam̐ banigŏna nerbuvalĕm̐ gāni
(||kāma||)
yimmaninaṭla nichchu nesinagarmaphalamu
kammannaṭlanau ghanadabamula śhakti
tĕmmaninayaṭlam̐ dĕchchu driṣhṭhamu yakṣhiṇīvidya
simmulanu danagaṁta siṁtavalĕm̐gāni
(||kāma||)
vunisinaṭlanuṁḍu nŏkkaḍe dehaguṇamu
yĕnaleni śhrīveṁkaḍeśhvarumāya livi
pĕnasina yihamebo bījamu vudyogulagu
tanivi nalamelmaṁgadaya valĕm̐gāni