(॥పల్లవి॥)
కాకున్న సంసారగతులేల
లోకకంటకములగు లోభంబులేల
(॥కాకు॥)
వినికిగనవలసినను విష్ణుకీర్తన చెవికి
వినికిచేసిన నదియె వేదాంతబోధ
మనికిగనవలసినను మధువైరిపై భక్తి
వునికి ప్రాణులకు బ్రహ్మోపదేశంబు
(॥కాకు॥)
చదువు గనవలసినను శౌరినామము దిరుగఁ
జదువుటే సకలశాస్త్రముల సమ్మతము
నిదుర గనవలసినను నీరజాక్షునికిఁ దన-
హృదయసమర్పణ సేయుటిది యోగనిదుర
(॥కాకు॥)
ఆస వలసిన వేంకటాధీశ్వరుని కృపకు-
నాససేయుటే పరమానందసుఖము
వాసి గనవలసినను వైష్ణవాగారంబు
వాసి సేయుట తనకు వైభవస్ఫురణ
(||pallavi||)
kāgunna saṁsāragadulela
logagaṁṭagamulagu lobhaṁbulela
(||kāgu||)
vinigiganavalasinanu viṣhṇugīrdana sĕvigi
vinigisesina nadiyĕ vedāṁtabodha
manigiganavalasinanu madhuvairibai bhakti
vunigi prāṇulagu brahmobadeśhaṁbu
(||kāgu||)
saduvu ganavalasinanu śhaurināmamu dirugam̐
jaduvuḍe sagalaśhāstramula sammadamu
nidura ganavalasinanu nīrajākṣhunigim̐ dana-
hṛdayasamarbaṇa seyuḍidi yoganidura
(||kāgu||)
āsa valasina veṁkaḍādhīśhvaruni kṛpagu-
nāsaseyuḍe paramānaṁdasukhamu
vāsi ganavalasinanu vaiṣhṇavāgāraṁbu
vāsi seyuḍa tanagu vaibhavasphuraṇa