జ్ఞానినైనా నీకుఁ బో దజ్ఞానినైనా నీకు బోదు
(॥పల్లవి॥)
జ్ఞానినైనా నీకుఁ బో దజ్ఞానినైనా నీకు బోదు
నేను చేసిన నేరమి నీకే సెలవయ్యా
(॥జ్ఞాని॥)
గరిమ మా పుట్టుగు నీ గర్భవాసములోనే
అరయ మా మోక్షము నీ యరచేతిదే
వెరవు లెంచుకోఁబోతే వేరే మాకు గతి లేదు
నిరతి మా బదుకులు నీకు సెలవయ్యా
(॥జ్ఞాని॥)
నిండిన మా కోరికలు నీ పెర రేఁపులే
వుండఁ జోటు నీకు నా వుల్లములోనే
చండి పెట్టి మాకైతే స్వతంత్ర మించుకా లేదు
నిండిన మా చేఁతలెల్లా నీకే సెలవయ్యా
(॥జ్ఞాని॥)
యిదె మా సంసారములు యిట్టె నీ కల్పితములు
తుదమొదలును నీవే తోడునీడవు
యెదుట శ్రీవేంకటేశ యేలిన వాఁడవు నీవే
నిదుర మా దినములు నీకే సెలవయ్యా
(||pallavi||)
jñāninainā nīgum̐ bo dajñāninainā nīgu bodu
nenu sesina nerami nīge sĕlavayyā
(||jñāni||)
garima mā puṭṭugu nī garbhavāsamulone
araya mā mokṣhamu nī yarasedide
vĕravu lĕṁchugom̐bode vere māgu gadi ledu
niradi mā badugulu nīgu sĕlavayyā
(||jñāni||)
niṁḍina mā korigalu nī pĕra rem̐pule
vuṁḍam̐ joḍu nīgu nā vullamulone
saṁḍi pĕṭṭi māgaide svadaṁtra miṁchugā ledu
niṁḍina mā sem̐talĕllā nīge sĕlavayyā
(||jñāni||)
yidĕ mā saṁsāramulu yiṭṭĕ nī kalbidamulu
tudamŏdalunu nīve toḍunīḍavu
yĕduḍa śhrīveṁkaḍeśha yelina vām̐ḍavu nīve
nidura mā dinamulu nīge sĕlavayyā