జ్ఞానయజ్ఞ మీగతి మోక్షసాధనము
(॥పల్లవి॥)
జ్ఞానయజ్ఞ మీగతి మోక్షసాధనము
నానార్థములు నిన్నే నడపె మాగురుఁడు
(॥జ్ఞాన॥)
అలరి దేహమనేటి యాగశాలలోన
బలువై యజ్ఞానపు పశువు బంధించి
కలసి వైరాగ్యపు కత్తులఁ గోసి కోసి
వెలయ జ్ఞానాగ్నిలో వేలిచె మాగురుఁడు
(॥జ్ఞాన॥)
మొక్కుచు వైష్ణవులనే మునిసభ గూడపెట్టి
చొక్కుచు శ్రీపాదతీర్థ సోమపానము నించి
చక్కఁగా సంకీర్తనసామగానము చేసి
యిక్కువతో యజ్ఞము సేయించెఁబో మాగురుఁడు
(॥జ్ఞాన॥)
తదియ్యగురుప్రసాదపు పురోడాశ మిచ్చి
కొదదీర ద్వయమను కుండంబులు వెట్టి
యెదలో శ్రీవేంకటేశు నిటు ప్రత్యక్షముచేసె
యెదివో స్వరూపదీక్ష యిచ్చెను మాగురుడు
(||pallavi||)
jñānayajña mīgadi mokṣhasādhanamu
nānārdhamulu ninne naḍabĕ māgurum̐ḍu
(||jñāna||)
alari dehamaneḍi yāgaśhālalona
baluvai yajñānabu paśhuvu baṁdhiṁchi
kalasi vairāgyabu kattulam̐ gosi kosi
vĕlaya jñānāgnilo velisĕ māgurum̐ḍu
(||jñāna||)
mŏkkusu vaiṣhṇavulane munisabha gūḍabĕṭṭi
sŏkkusu śhrībādadīrdha somabānamu niṁchi
sakkam̐gā saṁkīrdanasāmagānamu sesi
yikkuvado yajñamu seyiṁchĕm̐bo māgurum̐ḍu
(||jñāna||)
tadiyyaguruprasādabu puroḍāśha michchi
kŏdadīra dvayamanu kuṁḍaṁbulu vĕṭṭi
yĕdalo śhrīveṁkaḍeśhu niḍu pratyakṣhamusesĕ
yĕdivo svarūbadīkṣha yichchĕnu māguruḍu