జిగురువంటివాఁడవు చెలులంగటే విడువవు
(॥పల్లవి॥)
జిగురువంటివాఁడవు చెలులంగటే విడువవు
అగపడి యింటివారు అన్నంతాఁ గలిగెను
(॥జిగు॥)
చిక్కని నీమాటలకే చెమరించె మే నెల్లా
తక్కిన చేఁతలు వింటే తలఁపెట్టౌనో
అక్కజపు నీవినయ మాయనాయఁ దనిసితి
మొక్కేనన్నా విడువవు మొలవట్టేవిపుడు
(॥జిగు॥)
వెడ నీ నవ్వులకే వెరగందె నిలువెల్లా
అడరి నీవద్దనుంటే నాస యెంతౌనో
మిడిమాలపు నీమెచ్చు మేలుమేలు కైకొంటి
వడి నోపనన్నాఁబోవు వచ్చి కాఁగిలించేవు
(॥జిగు॥)
కన్నుల నీచూపులకే గరివడఁ బులకించె
చన్నుల నిన్నొత్తితేను చవి యేరీతో
పన్నిన శ్రీ వెంకటేశ బాపు బాపు కూడితిమి
సన్నసేసినాఁ గొంకపు సారె మన్నించేవు
(||pallavi||)
jiguruvaṁṭivām̐ḍavu sĕlulaṁgaḍe viḍuvavu
agabaḍi yiṁṭivāru annaṁtām̐ galigĕnu
(||jigu||)
sikkani nīmāḍalage sĕmariṁchĕ me nĕllā
takkina sem̐talu viṁṭe talam̐pĕṭṭauno
akkajabu nīvinaya māyanāyam̐ danisidi
mŏkkenannā viḍuvavu mŏlavaṭṭevibuḍu
(||jigu||)
vĕḍa nī navvulage vĕragaṁdĕ niluvĕllā
aḍari nīvaddanuṁṭe nāsa yĕṁtauno
miḍimālabu nīmĕchchu melumelu kaigŏṁṭi
vaḍi nobanannām̐bovu vachchi kām̐giliṁchevu
(||jigu||)
kannula nīsūbulage garivaḍam̐ bulagiṁchĕ
sannula ninnŏttidenu savi yerīdo
pannina śhrī vĕṁkaḍeśha bābu bābu kūḍidimi
sannasesinām̐ gŏṁkabu sārĕ manniṁchevu