Raat suhaanee jaag rahee hai dheere-dheere chupke-chupke

rāt suhānī jāg rahī hai
dhīre-dhīre chupke-chupke chorī-chorī ho
prem kahānī jāg rahī hai
dhīre-dhīre …

chal rahe haiṅ jādū tham gayā zamānā
dil churā rahā hai ye samāṇ suhānā
pālkī chaman meṅ phūloṅ kī utār ke
ye bahār gā rahī hai gīt pyār ke o
aur javānī jāg rahī hai
dhīre-dhīre …

chāṇd kar rahā hai pyār ke iśhāre
ye hamāre naynā ban gae haiṅ tāre
nīṅd ne na āne kī uṭhāī hai qasam o
nīṅd kaise āe man ke dvār pe sanam o
prīt dīvānī jāg rahī hai
dhīre-dhīre …

ek pahelī tum mujhse pūchho
ā gae kahāṇ ham ye kisī se pūchho
ye zamīn lag rahī hai āsmān sī
dil kī dhaṛaknoṅ meṅ paṛ gaī hai tān sī o
zindgānī jāg rahī hai
dhīre-dhīre …