జీవుని కేకాలము శ్రీహరి చేరువబంధువుఁ డీతఁడు
(॥పల్లవి॥)
జీవుని కేకాలము శ్రీహరి చేరువబంధువుఁ డీతఁడు
భావములోపలి పెరరేఁపకుఁడై భక్తి చేకొనును యీతఁడు
(॥జీవు॥)
పరమున నిహమున వెంటవెంటనే పాయని బంధువుఁడీతఁడు
ధరఁ దనుఁదలచిఁన మారుకు మారై తా రక్షించును యీతఁడు
విరివిగ నింద్రియవిషయభోగముల విందులు వెట్టును యీతఁడు
వురుగతిఁ జిత్రపురూపుల దేహపుటుడుగర లిచ్చును యీతఁడు
(॥జీవు॥)
వడిఁ గలకాలము యిరువదియొక్కటవావుల బంధువుఁడీతఁడు
బడిబడిఁ జైతన్యంబై యిన్నిటఁ బనులకు నొదగును యీతఁడు
జడిగొని యేకాంతలోకాంతమై మతిసంగతి నాప్తుఁడీతఁడు
పొడలుచు వైదికలౌకికముల నొకపొత్తునఁ గుడుచును యీతడు
(॥జీవు॥)
ఘననిధినిక్షేపములిచ్చేటి వుపకారపుబంధువుఁ డీతఁడు
అనయము వెరవకుమని యేకాలము నభయం బొసగును యీతఁడు
ననిచిన శ్రీవేంకటేశ్వరుఁడై యిటు నాపాలఁగలుగు నీతఁడు
పనివడి అరులను సూడువట్టి కడుఁ బగసాధించును యీతఁడు
(||pallavi||)
jīvuni kegālamu śhrīhari seruvabaṁdhuvum̐ ḍīdam̐ḍu
bhāvamulobali pĕrarem̐pagum̐ḍai bhakti segŏnunu yīdam̐ḍu
(||jīvu||)
paramuna nihamuna vĕṁṭavĕṁṭane pāyani baṁdhuvum̐ḍīdam̐ḍu
dharam̐ danum̐dalasim̐na mārugu mārai tā rakṣhiṁchunu yīdam̐ḍu
viriviga niṁdriyaviṣhayabhogamula viṁdulu vĕṭṭunu yīdam̐ḍu
vurugadim̐ jitraburūbula dehabuḍuḍugara lichchunu yīdam̐ḍu
(||jīvu||)
vaḍim̐ galagālamu yiruvadiyŏkkaḍavāvula baṁdhuvum̐ḍīdam̐ḍu
baḍibaḍim̐ jaidanyaṁbai yinniḍam̐ banulagu nŏdagunu yīdam̐ḍu
jaḍigŏni yegāṁtalogāṁtamai madisaṁgadi nāptum̐ḍīdam̐ḍu
pŏḍalusu vaidigalaugigamula nŏgabŏttunam̐ guḍusunu yīdaḍu
(||jīvu||)
ghananidhinikṣhebamulichcheḍi vubagārabubaṁdhuvum̐ ḍīdam̐ḍu
anayamu vĕravagumani yegālamu nabhayaṁ bŏsagunu yīdam̐ḍu
nanisina śhrīveṁkaḍeśhvarum̐ḍai yiḍu nābālam̐galugu nīdam̐ḍu
panivaḍi arulanu sūḍuvaṭṭi kaḍum̐ bagasādhiṁchunu yīdam̐ḍu