(॥పల్లవి॥)
జీవుఁడు నిత్యుఁడు యీ చింత లెట్టు దొరకెనో
భావించ నిది యేఁటి ప్రచారమో
(॥జీవుఁడు॥)
తనువు మోచితినంటా తరుణుల పొందులంటా
దినదిన రుచులంటాఁ దిరిగేము
మొనసి సంసారమే మోహినీగజమై
వెనకఁ దలఁచ మేటి వికారమో
(॥జీవుఁడు॥)
కడుపు నిండినదంటాఁ గమ్మర నాఁకలియంటా
వెడఁగు భోగములంటా వెదకేము
వుడివోని యాసలే వుబ్బుఁగవణములై
విడువదు మతి కేటివిచారమో
(॥జీవుఁడు॥)
దివము రాతిరి యంటా తెలివంటా నిదురంటా
భువిఁ గాఁపురములంటాఁ బొరలేము
ఇవల శ్రీ వేంకటేశ యింతలో నీ దాసినని
వివరము గంటి నెట్టి వివేకము
(||pallavi||)
jīvum̐ḍu nityum̐ḍu yī siṁta lĕṭṭu dŏragĕno
bhāviṁcha nidi yem̐ṭi prasāramo
(||jīvum̐ḍu||)
tanuvu mosidinaṁṭā taruṇula pŏṁdulaṁṭā
dinadina rusulaṁṭām̐ dirigemu
mŏnasi saṁsārame mohinīgajamai
vĕnagam̐ dalam̐sa meḍi vigāramo
(||jīvum̐ḍu||)
kaḍubu niṁḍinadaṁṭām̐ gammara nām̐kaliyaṁṭā
vĕḍam̐gu bhogamulaṁṭā vĕdagemu
vuḍivoni yāsale vubbum̐gavaṇamulai
viḍuvadu madi keḍivisāramo
(||jīvum̐ḍu||)
divamu rādiri yaṁṭā tĕlivaṁṭā niduraṁṭā
bhuvim̐ gām̐puramulaṁṭām̐ bŏralemu
ivala śhrī veṁkaḍeśha yiṁtalo nī dāsinani
vivaramu gaṁṭi nĕṭṭi vivegamu