జీవుఁడ నేనొకఁడను సృష్టికిఁ గర్తవు నీవు
(॥పల్లవి॥)
జీవుఁడ నేనొకఁడను సృష్టికిఁ గర్తవు నీవు
యీవల ధర్మపుణ్యములివివో నీచేతివి
(॥జీవుఁ॥)
పుట్టినయట్టి దోషాలు పురుషోత్తమా నీవు
పట్టి తెంచివేయక పాయనేరవు
గట్టిగా సంసారములోఁ గలిగిన లంపటాలు
ముట్టి నీ వల్లనేకాని మోయరావు
(॥జీవుఁ॥)
పంచభూత వికారాలు పరమాత్ముఁడా నీవే
కొంచక నీయాజ్ఞఁగాని కొద్ది నుండవు
అంచెల జగములోని ఆయా సహజములు
వంచుక నీవల్లఁగాని వైపుగావు
(॥జీవుఁ॥)
చిత్తములో విజ్ఞానము శ్రీవేంకటేశ నీవె
హత్తించి చూపినఁగాని యంకెకురాదు
సత్తుగా నిన్నిటికి నీశరణుచొచ్చితి మిదె
నిత్తెముఁ గావఁ బ్రోవ నీయిచ్చే యిఁకను
(||pallavi||)
jīvum̐ḍa nenŏgam̐ḍanu sṛṣhṭigim̐ gardavu nīvu
yīvala dharmabuṇyamulivivo nīsedivi
(||jīvum̐||)
puṭṭinayaṭṭi doṣhālu puruṣhottamā nīvu
paṭṭi tĕṁchiveyaga pāyaneravu
gaṭṭigā saṁsāramulom̐ galigina laṁpaḍālu
muṭṭi nī vallanegāni moyarāvu
(||jīvum̐||)
paṁchabhūda vigārālu paramātmum̐ḍā nīve
kŏṁchaga nīyājñam̐gāni kŏddi nuṁḍavu
aṁchĕla jagamuloni āyā sahajamulu
vaṁchuga nīvallam̐gāni vaibugāvu
(||jīvum̐||)
sittamulo vijñānamu śhrīveṁkaḍeśha nīvĕ
hattiṁchi sūbinam̐gāni yaṁkĕgurādu
sattugā ninniḍigi nīśharaṇusŏchchidi midĕ
nittĕmum̐ gāvam̐ brova nīyichche yim̐kanu