(॥పల్లవి॥)
జీవుఁ డెంతటివాఁడు చిత్త మెంతటిది తన-
దైవికము గడవ నెంతటివాఁడు దాను
(॥జీవుఁ॥)
విడిచిపోవని యాస విజ్ఞానవాసనలఁ
గడచి మున్నాడె నెక్కడివివేకములు
వుడుగనియ్యనిమోహ ముబ్బి పరమార్ధముల
మెడవట్టి నూకె నేమిటికింక నెరుక
(॥జీవుఁ॥)
పాయనియ్యనిమహాబంధ మధ్యాత్మతో
రాయడికిఁ దొడఁగె సైరణలేల కలుగు
మాయనియ్యనికోపమహిమ కరుణామతిని
వాయెత్తనియ్య దెవ్వరికిఁ జెప్పుదము
(॥జీవుఁ॥)
సరిలేనియాత్మచంచల మంతరాత్మకుని-
నెరఁగనియ్యదు దనకు నేఁట్టిపరిణతలు
తిరువేంకటాచలాధిపునిమన్ననఁగాని
వెరసి యిన్నటి గెలువ వెరవు మఱిలేదు
(||pallavi||)
jīvum̐ ḍĕṁtaḍivām̐ḍu sitta mĕṁtaḍidi tana-
daivigamu gaḍava nĕṁtaḍivām̐ḍu dānu
(||jīvum̐||)
viḍisibovani yāsa vijñānavāsanalam̐
gaḍasi munnāḍĕ nĕkkaḍivivegamulu
vuḍuganiyyanimoha mubbi paramārdhamula
mĕḍavaṭṭi nūgĕ nemiḍigiṁka nĕruga
(||jīvum̐||)
pāyaniyyanimahābaṁdha madhyātmado
rāyaḍigim̐ dŏḍam̐gĕ sairaṇalela kalugu
māyaniyyanigobamahima karuṇāmadini
vāyĕttaniyya dĕvvarigim̐ jĕppudamu
(||jīvum̐||)
sarileniyātmasaṁchala maṁtarātmaguni-
nĕram̐ganiyyadu danagu nem̐ṭṭibariṇadalu
tiruveṁkaḍāsalādhibunimannanam̐gāni
vĕrasi yinnaḍi gĕluva vĕravu maṟiledu