(॥పల్లవి॥)
జయము మనది వనచరులాల
రయమున దర్మదారలు తుత్తుతూ
(॥జయ॥)
రక్కసుల మీఁద రాముఁడలిగె నలు-
దిక్కుల నడవుఁడు తిడిం తిడిం
యెక్కుఁడు సేనలు యిటు మొరయింపుఁడు
ఢక్కా నినదము ఢమఢమఢమం
(॥జయ॥)
కుటిలదానవులఁ గొట్టుఁడు కోటలు
తటుకున దాఁటుఁడు ధణం ధణం
పటుగతినార్చుచు పట్టుఁడు లగ్గలు
పెటులు చూఁడఁ డదె పెట పెట పెటల్
(॥జయ॥)
గుట్టున నుండక కూలె రావణుఁడు
పట్టుఁడు సంకులు భం భం భం
యిట్టె శ్రీ వేంకటేశుఁడు గెలిచెను
దిట్టలై యాడుఁడు ధిం ధిం ధిం
(||pallavi||)
jayamu manadi vanasarulāla
rayamuna darmadāralu tuttudū
(||jaya||)
rakkasula mīm̐da rāmum̐ḍaligĕ nalu-
dikkula naḍavum̐ḍu tiḍiṁ tiḍiṁ
yĕkkum̐ḍu senalu yiḍu mŏrayiṁpum̐ḍu
ḍhakkā ninadamu ḍhamaḍhamaḍhamaṁ
(||jaya||)
kuḍiladānavulam̐ gŏṭṭum̐ḍu koḍalu
taḍuguna dām̐ṭum̐ḍu dhaṇaṁ dhaṇaṁ
paḍugadinārsusu paṭṭum̐ḍu laggalu
pĕḍulu sūm̐ḍam̐ ḍadĕ pĕḍa pĕḍa pĕḍal
(||jaya||)
guṭṭuna nuṁḍaga kūlĕ rāvaṇum̐ḍu
paṭṭum̐ḍu saṁkulu bhaṁ bhaṁ bhaṁ
yiṭṭĕ śhrī veṁkaḍeśhum̐ḍu gĕlisĕnu
diṭṭalai yāḍum̐ḍu dhiṁ dhiṁ dhiṁ