(॥పల్లవి॥)
జయలక్ష్మి వరలక్ష్మి సంగ్రామవీరలక్ష్మి
ప్రియురాలవై హరికిఁ బెరసితివమ్మా
(॥॥)
పాలజలనిధిలోని పసనైన మీఁగడ
మేలిమి తామరలోని మించవాసన
నీలవర్ణునురముపై నిండిననిధానమవై
యేలేవు లోకములు మమ్మేలవమ్మా
(॥॥)
చందురుతోడఁ బుట్టిన సంపదల మోఱుఁగవో
కందువ బ్రహ్మలఁ గాచే కల్పవల్లి
అందిన గోవిందునికి అండనే తోడునీడవై
వుందానవు మా ఇంటనే వుండవమ్మా
(॥॥)
పదియారువన్నెలతో బంగారుపతిమ
చెదరని వేదముల చిగురుఁబోడి
యెదుట శ్రీ వేంకటేశు నిల్లాలవై నీవు
నిదుల నిలిచేతల్లి నీవారమమ్మా
(||pallavi||)
jayalakṣhmi varalakṣhmi saṁgrāmavīralakṣhmi
priyurālavai harigim̐ bĕrasidivammā
(||||)
pālajalanidhiloni pasanaina mīm̐gaḍa
melimi tāmaraloni miṁchavāsana
nīlavarṇunuramubai niṁḍinanidhānamavai
yelevu logamulu mammelavammā
(||||)
saṁdurudoḍam̐ buṭṭina saṁpadala moṟum̐gavo
kaṁduva brahmalam̐ gāse kalbavalli
aṁdina goviṁdunigi aṁḍane toḍunīḍavai
vuṁdānavu mā iṁṭane vuṁḍavammā
(||||)
padiyāruvannĕlado baṁgārubadima
sĕdarani vedamula sigurum̐boḍi
yĕduḍa śhrī veṁkaḍeśhu nillālavai nīvu
nidula nilisedalli nīvāramammā