(॥పల్లవి॥)
జవ్వనంపు మదమున జడిసేటి తరుణి
పువ్వుల పానుపుమీఁదఁ బొరలీఁ జూడరే
(॥జవ్వ॥)
ముత్తేలకంకణాల మురిసేటి కరము
చిత్తగించు చెలి నేఁడు చెక్కుమీఁదను
కొత్తనెత్తావి విరుల కొమరైన తురుము
వత్తుల నెరులతోడ వదలీఁ జూడరే
(॥జవ్వ॥)
పయ్యెదవెలి మించు పగటైన గుబ్బలు
ముయ్యరాని పెనుతాపమునఁ గాఁగీని
వొయ్యారపు రచనలతో వొరపైన చూపులు
వొయ్యనె కన్నులనీట వులికీఁ జూడరే
(॥జవ్వ॥)
కప్పురపుతావితోడ కరఁగేటి తనువు
వొప్పైన కస్తూరిచేత నొరపైనది
యిప్పుడిట్టె తిరువేంకటేశుఁగూడి యింతి
చెప్పరాని వేడుకలఁ జెలఁగీఁ జూడరే
(||pallavi||)
javvanaṁpu madamuna jaḍiseḍi taruṇi
puvvula pānubumīm̐dam̐ bŏralīm̐ jūḍare
(||javva||)
muttelagaṁkaṇāla muriseḍi karamu
sittagiṁchu sĕli nem̐ḍu sĕkkumīm̐danu
kŏttanĕttāvi virula kŏmaraina turumu
vattula nĕruladoḍa vadalīm̐ jūḍare
(||javva||)
payyĕdavĕli miṁchu pagaḍaina gubbalu
muyyarāni pĕnudābamunam̐ gām̐gīni
vŏyyārabu rasanalado vŏrabaina sūbulu
vŏyyanĕ kannulanīḍa vuligīm̐ jūḍare
(||javva||)
kappurabudāvidoḍa karam̐geḍi tanuvu
vŏppaina kastūriseda nŏrabainadi
yippuḍiṭṭĕ tiruveṁkaḍeśhum̐gūḍi yiṁti
sĕpparāni veḍugalam̐ jĕlam̐gīm̐ jūḍare