(॥పల్లవి॥)
జననమరణములు జంతురాసులకు
వెనకముందరను విడువని కొలలు
(॥జన॥)
తలఁచినచోటను తగుదేహములై
పొలసిపోయినాఁ బోనీవు
వెలుపల లోపల వెలయ భోగములు
కలలోపలివలెఁ గన్నది తెలివి
(॥జన॥)
పూచినచోటుల పుత్రమిత్రులై
కాఁచి కరఁచినాఁ గరఁగవివి
తూఁచిన నిరుదెస దుఃఖసుఖంబులు
వూఁచి విడుచుటే వోపిన తెలివి
(॥జన॥)
అనాది వాసనలంటిన జిగురులు
మనోగుణములై మానవివి
వినోదములు శ్రీవేంకటేశుకని
కనే వుపాయము కందువ తెలవి
(||pallavi||)
jananamaraṇamulu jaṁturāsulagu
vĕnagamuṁdaranu viḍuvani kŏlalu
(||jana||)
talam̐sinasoḍanu tagudehamulai
pŏlasiboyinām̐ bonīvu
vĕlubala lobala vĕlaya bhogamulu
kalalobalivalĕm̐ gannadi tĕlivi
(||jana||)
pūsinasoḍula putramitrulai
kām̐si karam̐sinām̐ garam̐gavivi
tūm̐sina nirudĕsa duḥkhasukhaṁbulu
vūm̐si viḍusuḍe vobina tĕlivi
(||jana||)
anādi vāsanalaṁṭina jigurulu
manoguṇamulai mānavivi
vinodamulu śhrīveṁkaḍeśhugani
kane vubāyamu kaṁduva tĕlavi