జగన్మోహనాకార చతురుఁడవు పురుషోత్తముఁడవు
(॥పల్లవి॥)
జగన్మోహనాకార చతురుఁడవు పురుషోత్తముఁడవు
వెగటు నా సోదంబు ఇది నీ వెలితో నా వెలితో
(॥జగ॥)
యెన్నిమారులు సేవించినఁ గన్నులూ దనియవు
విన్న నీకథామృతమున వీనులుఁ దనియవు
సన్నిధిని మిమ్ము నుతియించి సరుస జిహ్వయుఁ దవియదు
విన్న కన్నది గాదు ఇది నావెలితో నీవెలితో
(॥జగ॥)
కడఁగి నీప్రసాదమే కొని కాయమూఁ దనియదు
బడిఁ బ్రదక్షిణములుసేసి పాదములు నివిఁ దనియవు
నుడివి సాష్టాంగంబు చేసి నుదురునూఁ దనియదు
వెడఁగుఁదన మిది గలిగె నిది నావెలితో నీవెలితో
(॥జగ॥)
చెలఁగి నిను నేఁ బూజించి చేతులూఁ దనియవు
చెలువు సింగారంబు దలఁచి చి త్తమూఁ దనియదు
అలరి శ్రీవేంకటగిరీశ్వర అత్మ నను మోహించఁజేసితి
వెలయ నిన్నియుఁ దేరే మును నీవెలితో నావెలితో
(||pallavi||)
jaganmohanāgāra sadurum̐ḍavu puruṣhottamum̐ḍavu
vĕgaḍu nā sodaṁbu idi nī vĕlido nā vĕlido
(||jaga||)
yĕnnimārulu seviṁchinam̐ gannulū daniyavu
vinna nīgathāmṛtamuna vīnulum̐ daniyavu
sannidhini mimmu nudiyiṁchi sarusa jihvayum̐ daviyadu
vinna kannadi gādu idi nāvĕlido nīvĕlido
(||jaga||)
kaḍam̐gi nīprasādame kŏni kāyamūm̐ daniyadu
baḍim̐ bradakṣhiṇamulusesi pādamulu nivim̐ daniyavu
nuḍivi sāṣhṭāṁgaṁbu sesi nudurunūm̐ daniyadu
vĕḍam̐gum̐dana midi galigĕ nidi nāvĕlido nīvĕlido
(||jaga||)
sĕlam̐gi ninu nem̐ būjiṁchi sedulūm̐ daniyavu
sĕluvu siṁgāraṁbu dalam̐si si ttamūm̐ daniyadu
alari śhrīveṁkaḍagirīśhvara atma nanu mohiṁcham̐jesidi
vĕlaya ninniyum̐ dere munu nīvĕlido nāvĕlido