జగములేలేవాఁడవు జనార్దనుఁడవు
(॥పల్లవి॥)
జగములేలేవాఁడవు జనార్దనుఁడవు
తగ నీవారమై(మే?) నేము ధర నెట్టుండినాను
(॥జగ॥)
గతి నీవు మతి నీవు కాణాచిచోటు నీవు
సతమై యన్నిటికిని సాక్షిని నీవు
చతురత వలసితే జరతుము కొలుతుము
తతి నేము సేసిన తప్పులు లోఁగొనవే
(॥జగ॥)
తల్లియుఁ దండ్రివి నీవు దాత దైవమవు నీవు
యెల్ల వారికిఁ బరము నిహము నీవు
మల్లడి నొక్కొకవేళ మఱతుము తలఁతుము
చల్లఁగా మా నేరములు సైరించుకొనవే
(॥జగ॥)
దరి నీవు దాపు నీవు దయామూర్తివి నీవు
పరగ శ్రీవేంకటేశ పతివి నీవు
విరివిగా నేమైనా వేఁడుదుము నుతింతుము
శరణు చొచ్చితిమిఁక క్షమియించుకొనవే
(||pallavi||)
jagamulelevām̐ḍavu janārdanum̐ḍavu
taga nīvāramai(me?) nemu dhara nĕṭṭuṁḍinānu
(||jaga||)
gadi nīvu madi nīvu kāṇāsisoḍu nīvu
sadamai yanniḍigini sākṣhini nīvu
sadurada valaside jaradumu kŏludumu
tadi nemu sesina tappulu lom̐gŏnave
(||jaga||)
talliyum̐ daṁḍrivi nīvu dāda daivamavu nīvu
yĕlla vārigim̐ baramu nihamu nīvu
mallaḍi nŏkkŏgaveḽa maṟadumu talam̐tumu
sallam̐gā mā neramulu sairiṁchugŏnave
(||jaga||)
dari nīvu dābu nīvu dayāmūrdivi nīvu
paraga śhrīveṁkaḍeśha padivi nīvu
virivigā nemainā vem̐ḍudumu nudiṁtumu
śharaṇu sŏchchidimim̐ka kṣhamiyiṁchugŏnave