(॥పల్లవి॥)
జగతిలో మనకెల్ల జయంతి నేఁడు
పగటున నందరికి పండుగ నేఁడు
(॥జగ॥)
అదివో శ్రావణ బహుళాష్టమి నేఁడు
పొదిగొన్న రోహిణి సంపూర్ణము నేఁడు
కదిసి యద్దమరేత్రికాడ నేఁడు
ఉదయించెఁ గృష్ణుఁడు చంద్రోదయాన నేఁడు
(॥జగ॥)
వసుదేవదేవకుల వరము నేఁడు
పసగా ఫలియించె రేపల్లెలో నేఁడు
కొసరి యశోదనందగోపుఁడు నేఁడు - యీ
సిసువును సుతుఁడంటాఁ జెలఁగిరి నేఁడు
(॥జగ॥)
హరిమాయ కంసుమద మడఁచె నేఁడు
పొరుగిరుగులవా రుప్పొంగిరి నేఁడు
సిరి నలమేల్మంగతో శ్రీవేంకటేశుఁడై నిల్చె
అరుదుగా గొల్లెతలు ఆడుకొనేరు నేఁడు
(||pallavi||)
jagadilo managĕlla jayaṁti nem̐ḍu
pagaḍuna naṁdarigi paṁḍuga nem̐ḍu
(||jaga||)
adivo śhrāvaṇa bahuḽāṣhṭami nem̐ḍu
pŏdigŏnna rohiṇi saṁpūrṇamu nem̐ḍu
kadisi yaddamaretrigāḍa nem̐ḍu
udayiṁchĕm̐ gṛṣhṇum̐ḍu saṁdrodayāna nem̐ḍu
(||jaga||)
vasudevadevagula varamu nem̐ḍu
pasagā phaliyiṁchĕ reballĕlo nem̐ḍu
kŏsari yaśhodanaṁdagobum̐ḍu nem̐ḍu - yī
sisuvunu sudum̐ḍaṁṭām̐ jĕlam̐giri nem̐ḍu
(||jaga||)
harimāya kaṁsumada maḍam̐sĕ nem̐ḍu
pŏrugirugulavā ruppŏṁgiri nem̐ḍu
siri nalamelmaṁgado śhrīveṁkaḍeśhum̐ḍai nilsĕ
arudugā gŏllĕdalu āḍugŏneru nem̐ḍu