జగతి వైశాఖశుద్ధచతుర్దశి మందవార
(॥పల్లవి॥)
జగతి వైశాఖశుద్ధచతుర్దశి మందవార-
మగణితముగఁ గూడె నదె స్వాతియోగము
(॥జగ॥)
పక్కన నుక్కుఁగంభము పగిలించుక వెడలి
తొక్కి హిరణ్యకసిపుఁ దొడికిపట్టి
చక్కఁగాఁ గడపమీఁద సంధ్యాకాలమున
వక్కలు సేసె నురవడి నరసింహుఁడు
(॥జగ॥)
పిప్పిగాఁగఁ జప్పరించి పేగులు జందేలు వేసి
తొప్పఁదోఁగుచు నెత్తురు దోసిటఁ జల్లె
రొప్పుచుఁ గోపముతోఁ గేరుచుఁ బకపకనవ్వి
తప్పక చూచె వాని నుదగ్రనరసింహుఁడు
(॥జగ॥)
యెదుటఁ బ్రహ్లాదుఁ జూచి యిందిరఁ దొడపై నుంచె
అదన నందరికి నభయమిచ్చె
కదసి శ్రీవేంకటాద్రిగద్దెమీఁదఁ గూచుండె
వెదచల్లెఁ గృపయెల్ల వీరనరసింహుఁడు
(||pallavi||)
jagadi vaiśhākhaśhuddhasadurdaśhi maṁdavāra-
magaṇidamugam̐ gūḍĕ nadĕ svādiyogamu
(||jaga||)
pakkana nukkum̐gaṁbhamu pagiliṁchuga vĕḍali
tŏkki hiraṇyagasibum̐ dŏḍigibaṭṭi
sakkam̐gām̐ gaḍabamīm̐da saṁdhyāgālamuna
vakkalu sesĕ nuravaḍi narasiṁhum̐ḍu
(||jaga||)
pippigām̐gam̐ jappariṁchi pegulu jaṁdelu vesi
tŏppam̐dom̐gusu nĕtturu dosiḍam̐ jallĕ
rŏppusum̐ gobamudom̐ gerusum̐ bagabaganavvi
tappaga sūsĕ vāni nudagranarasiṁhum̐ḍu
(||jaga||)
yĕduḍam̐ brahlādum̐ jūsi yiṁdiram̐ dŏḍabai nuṁchĕ
adana naṁdarigi nabhayamichchĕ
kadasi śhrīveṁkaḍādrigaddĕmīm̐dam̐ gūsuṁḍĕ
vĕdasallĕm̐ gṛpayĕlla vīranarasiṁhum̐ḍu