(॥పల్లవి॥)
జాజు జాజేకాక దిరిశపుఁ బువ్వౌనా
నీ జాడెంతయిన నీవు మానేవా
(॥జాజు॥)
సంపెంగపూవులలోన సారెకుఁ జూచిన తన-
కంపే కాక తనకాఁక మానీనా
యింపులు గొందరికి యీరసాలు గొందరికి
జంపుల నీ గుణముల జాడ మానేవా
(॥జాజు॥)
పొగడ పూవులలోన పొందుగఁ జూచిన తావి
తగుఁగాక తా మదము మానీనా
నిగిడిన నీచేఁత నీ బోంట్ల కే కాక
మగిడి నీగుణములు మంచివయ్యీనా
(॥జాజు॥)
కామించి కలువలు కన్నులనద్దుకొనిన
కామునమ్ములునేఁడు గాక మానీనా
దీమసపు వేంకటేశ తెమలని కూటముల
ఆమని మాకోరికల ఆస మానీనా
(||pallavi||)
jāju jājegāga diriśhabum̐ buvvaunā
nī jāḍĕṁtayina nīvu mānevā
(||jāju||)
saṁpĕṁgabūvulalona sārĕgum̐ jūsina tana-
kaṁpe kāga tanagām̐ka mānīnā
yiṁpulu gŏṁdarigi yīrasālu gŏṁdarigi
jaṁpula nī guṇamula jāḍa mānevā
(||jāju||)
pŏgaḍa pūvulalona pŏṁdugam̐ jūsina tāvi
tagum̐gāga tā madamu mānīnā
nigiḍina nīsem̐ta nī boṁṭla ke kāga
magiḍi nīguṇamulu maṁchivayyīnā
(||jāju||)
kāmiṁchi kaluvalu kannulanaddugŏnina
kāmunammulunem̐ḍu gāga mānīnā
dīmasabu veṁkaḍeśha tĕmalani kūḍamula
āmani māgorigala āsa mānīnā